Fire 23歲
城市大學
創意媒體 Yr.3
PaperClip提供遊戲機， Fire正教導客人如何玩 pop’n music這個遊戲。

U撈

出租 party場地　 Sell家的感覺

2013年02月06日 ~~ 第1098期 交易通．搵車快線

年輕人都想趁後生作多方面嘗試，像今年就讀城大創意媒體的 Fire，未畢業已急不及待與 2位朋友一起創業，於深水 埗租單位重新裝修，出租 party場地，他想把大學宿舍生活融入生意中，把場地布置得像家居一樣，令客人得到 relax感覺，玩得更放，現時儲到不少熟客，鋪頭月賺約 1萬。


Fire特意從外國網站訂零件砌出 pop’n music街機遊戲手掣，「學埋木工整個外殼，用 咗 1個月造成，都係想客人可以玩得開心 啲。」

採訪當日，記者踏入位於深水埗欽州街永聯大廈的 PaperClip， Fire正與客人吃 着 pizza邊玩《大富翁》，「 啲客上 嚟都係想搵個地方放鬆吓，我 哋將呢度布置成家居咁，令客人感到 relax，佢 哋上 嚟幾次已經同我 哋熟絡 咗，會好似朋友咁叫埋我 哋一齊玩。」
PaperClip由 Fire與拍檔 Fanny、吉列一起成立，是一個租借場地給人玩及開 party的地方，佔地 500呎，提供 boardgame及電子遊戲，只供應紙包飲品，不會提供食物，客人可以叫外賣，包場每四小時收費$880（ 20人以上每多一人多收$20，每人包 2包飲品，最多可容納 50人），學生及大專生有 9折優惠，「主要畀人搞舊生聚會、生日派對、公司部門聚餐同大學 Ocamp、 ReU等。」 

半夜 3點飛的開鋪

朋友帶我上 嚟玩，覺得呢度好有屋企 feel，好似梳化、咕𠱸、擺設等都令人好舒服，而 Fire份人好 nice，𠵱家都鍾意同朋友一齊上 嚟玩。
多上來光顧的熟客，不時都會叫 Fire一起加入遊戲。

這裏的賣點是 24小時營業，客人可先預訂時間，「雖然係 24小時，但夜晚時段比較多人 book，所以唔會太影響上堂 嘅時間。試過凌晨 2、 3點 瞓緊，有客人打電話 嚟想租場，我 哋要即刻起身搭的士趕過去開鋪，好在我 哋有 3個人，可以互相配合，都可以應付到。」
構思開 PaperClip，源於 Fire的校園生活，「大學宿舍有個 common area畀宿生一齊玩、吹水，但發覺原來香港冇乜呢 啲地方畀一班朋友去聚會，好多時大家約出 嚟食完飯就散，我諗可以將呢個構思搬到社會上。我同 Fanny、吉列 喺上莊時認識，上年仲一齊搞年宵，之後想繼續合作，佢 哋贊成我開 PaperClip，用 喺年宵賺 嗰 10萬 嚟做開業資金。」
自決定要創業，他們便不斷物色適合的地方，「我 哋搵過唔同 嘅地方，旺角租金比較貴，尖沙咀冇我 哋想要 嘅客源。最後決定租永聯大廈，呢到近深水 埗地鐵站出口，行 5分鐘就到，而且附近多通宵車，方便客人，加上附近人流唔錯，最後用$8,000租 咗呢個單位。」 

裝修清潔自己搞掂

PaperClip於 12年 8月開業，開業前要準備不少東西，「 啱 啱接手時，單位牆身同廁所都好舊，馬桶發晒黃，我 哋自己揀顏色去髹油，起初唔知要順住一個方向，搞到 啲色唔均勻，要再油過；而清潔劑都試用 咗幾個牌子，先起到 啲漬，搞 咗成半個月，唔做過都唔知咁辛苦。」
設備方面， Fire都花了不少心思，「呢度有 Wii、 PS3、 XBox加埋 90吋全高清特大投映，我 哋仲特登 喺外國訂 啲零件，自己手製 咗 pop'n music街機遊戲手掣，好受客人歡迎。最初我 哋好似樓上 cafe咁只放 枱凳，但客 嘅反應麻麻，所以我 哋又重新設計過，加多一排梳化放公仔咕𠱸，去街執 啲木層架再加上軟墊，改造成一排矮凳，布置到成間屋咁， 啲客好受落，仲儲 咗唔少熟客。」


中間扮 BB的 Fire與莊員組成「 Sparkler」向同學拉票，於 11年成功上莊。


這裏還有 board game提供， Fire會教客人怎樣去玩。


經 Fire和拍檔的悉心布置， PaperClip給人一種家的感覺。

現時每月約有 15至 20批客人租借場地，「我 哋初頭以為只得假日先會有人訂，原來平日夜晚都有人訂 嚟開 party，不過試過 50人上到 嚟，呢邊有人問隻 board game點玩，另一邊就問另一隻點玩，應付唔切，有 啲手忙腳亂，到𠵱家為止，都冇遇到咩問題。」現時扣除租金雜費後，月賺約 1萬， Fire與兩位拍檔每人可支約 3千人工。
未畢業便創業， Fire所讀的科目對生意有幫助，可說學以致用，「我讀媒體設計，識得設計咭片、宣傳單張、 facebook專頁等去宣傳間鋪。」對於畢業後的路，他有自己的看法，「今年畢業之後，我 哋會繼續去搞小生意，想趁後生時試多 啲 嘢，搵長工應該係 2至 3年後 嘅事。」 

專家點睇？

創業顧問公司 BOSSible創富者創辦人 Harry給了 Fire一些意見，「等客人 book場好被動，可以主動搞唔同活動，好似搞 啲以新年、情人節做主題 嘅派對，畀客人知道同體驗吓呢個服務。只靠 facebook宣傳其實唔夠，由於租場時間集中 喺夜間，想提高其他時段 嘅使用率，可以 喺區內擺易拉架、派傳單等，吸引附近人士 嚟 book場，有助提高使用率。」 

PaperClip
地址︰深水埗欽州街 78號永聯大廈 7樓 G室
電話︰ 61933160
http://www.facebook.com/PaperClip.PartyCorner?fref=ts 

撰文：曾志恒
攝影：彭自維
部分圖片由被訪者提供