close
FBI
奧斯卡大熱 Anne Hathaway又喊又笑
第 85屆奧斯卡電影大獎提名名單上星期公布， FBI除 咗關心李安可唔可以砌低史提芬史匹堡攞最佳導演為華人爭光，當然仲關心幾乎個個睇完都大讚 嘅《孤星淚》有幾多個提名啦。
結果《孤星淚》得到 8個提名，比《少年 Pi》 11個同《林肯》 13個都少，好在幾乎由出場開始喊到死 嘅 Anne Hathaway以大熱姿態入圍角逐最佳女配角。荷里活二五第一時間問 Anne有乜感受啦，佢竟然話想唞大氣，「我一知道被提名，第一件事就係想呼吸。為 咗呢套戲，我有好幾個月冇好好『呼吸』過。唞順條氣之後，我就開始喊，喊完之後又笑，跟住就開始不斷有電話打來，有人訪問我等等。」至於第三度被提名最佳導演 嘅李安就話即將開拍《埃及妖后》，女主角更鎖定性感女神 Angelina Jolie添！玩完少年玩妖后，中印埃及三大文明古國故仔拍齊，題材變化大到咁，真係得李安先敢！
李安大有機會憑《少年 Pi》（上圖）第 2次攞最佳導演，佢話覺得榮幸之餘，有啲不知所措，仲話好感激，認真謙虛。
Daniel Day-Lewis原本唔肯拍《林肯》，後來史匹堡派好友李安納度迪卡比奧（小圖）出面游說佢先答應。如果佢因為呢套戲攞影帝，真係要多謝李安納度喇。
Anne喺《孤星淚》飾演被賤男遺棄的單親媽媽，為養活愛女，佢唔單只連大牙都要賣埋，仲要做妓女接客。而男主角 Hugh Jackman亦因為冇及時幫助佢而自責。 Anne死後， Hugh決定幫佢養大個女，睇嗰陣 FBI都感動到眼濕濕。 
全站熱搜
留言列表
