58歲的朱咪咪,跑慣江湖唱酒廊,前晚在澳門出席最近刑滿出獄的江湖中人尹國駒(崩牙駒)母親壽宴。擔任司儀兼唱歌助興的朱咪咪,更替主人家邀來出爐視帝黎耀祥和方伊琪表演。朱咪咪昨日接受訪問,自爆獲壽星婆駒媽痛錫,年年撐場賀壽,她更直呼崩牙駒為阿駒,可見二人關係密切。

澳門江湖猛人尹國駒去年底出獄,重獲自由後與家人團聚,前晚駒媽在澳門漁人碼頭會議廳中心搞壽宴,崩牙駒邀請了三屆視帝黎耀祥、朱咪咪和方伊琪前來表演助興,原來朱咪咪是駒媽至愛,並幫手安排表演嘉賓,她為o氹壽星婆,席間大唱徐小鳳經典金曲。

尹國駒(崩牙駒)(右)與胞弟尹國雄前晚在母親壽宴,兄弟上台高歌一曲《念親恩》,令駒媽(中)感動到喊。

變一個貨徐小鳳獻唱

崩牙駒獲釋後,前晚首年為母親賀壽,筵開133席大宴親朋,尹府壽宴的會場保安嚴密,崩牙駒全程笑容滿臉,朱咪咪、祥仔和方伊琪不但為駒媽大唱生日歌,還伴着壽星婆切蛋糕。兼任司儀的朱咪咪昨日接受本報電話訪問時,自爆受駒媽寵愛,她說:「我每年都去駒媽壽宴,十幾年前已經開始,駒媽好錫我,阿駒入獄前我都已經去,今次阿駒返出嚟,開心啲咪搞大啲,駒媽都想熱鬧啲。」朱咪咪稱呼崩牙駒為阿駒,足見他跟崩牙駒母子關係密切。

問到朱咪咪收多少酬金?她說:「我收利是,冇計錢,駒媽咁錫我,我每年開演唱會,佢都嚟捧場。呢次壽宴,佢半年前已通知我。」據知朱咪咪還幫手聯絡祥仔和方伊琪,朱咪咪說:「唔係我統籌,佢哋嗰邊都有人。」駒媽愛聽徐小鳳,朱咪咪就變身A貨徐小鳳,她說:「唱咗幾首小鳳嘅歌。」

朱咪咪知道壽星婆駒媽喜歡徐小鳳,她即場高唱徐小鳳經典金曲娛賓。
■朱咪咪知道壽星婆駒媽喜歡徐小鳳,她即場高唱徐小鳳經典金曲娛賓。
資料圖片

最近出獄的尹國駒(崩牙駒)(前排左二)前晚在澳門為母親(前排右一)擺壽宴,大排筵席

傳祥仔收酬金20萬

壽宴中不乏感人場面,朱咪咪說:「全場好感人同溫馨,阿駒同細佬上台唱咗《念親恩》,兩兄弟攬住阿媽,駒媽忍唔住喊咗出嚟,咁感動點會唔喊?呢次係阿駒出嚟第一次同駒媽賀壽。」朱咪咪更大讚崩牙駒歌喉,她說:「成家人個個都好唱得,好掂。」
祥仔前晚逗留大半小時,先後唱了三首飲歌,分別是電視劇《巾幗梟雄之義海豪情》歌曲《紅蝴蝶》、《有酒今朝醉》和《前程錦繡》,其後他還跟崩牙駒胞弟尹國雄合唱了《舊歡如夢》,記者昨日致電身在內地工作的祥仔,他說:「國雄唱得幾好,記得晒啲歌詞,我仲以為要傍住佢。」
祥仔指他做過三年駒媽壽宴表演嘉賓,但由於往年崩牙駒正在獄中,前晚才首次碰面,他說:「駒哥好孝順佢媽咪,佢又好客氣,我一去到就畀咗酬金先表演。」接觸崩牙駒後可覺他豪氣?祥仔說:「睇唔出,佢同普通人冇分別。」有傳祥仔前晚出騷酬金達20萬,他避談:「錢幾多就唔好講,講得多又唔好,少又唔好,大家鍾意點傳就點傳。」

帝黎耀祥前晚也撐場演唱,他笑言未開騷,崩牙駒即識做先付第192號法律公告修訂
■視帝黎耀祥前晚也撐場演唱,他笑言未開騷,崩牙駒即識做先付第192號法律公告修訂。

祥仔馬不停蹄搵真銀,昨日又到陽江出席房地產活動,同場還有徐子珊
■祥仔馬不停蹄搵真銀,昨日又到陽江出席房地產活動,同場還有徐子珊。

祥仔透露在後台等候時,崩牙駒帶同親友進來要求合照,他當然樂意做人肉佈景板,為江湖中人私人宴會表演可有甚麼禁忌,祥仔說:「冇乜特別唔同,始終都係一個騷,呢晚又係老人家生日,我哋作為藝人嘅,志在娛樂大家,唔理佢乜嘢背景、地位同階層,我又冇黨冇派,我接騷只係睇乜嘢性質,今次係咪咪姐叫我。最緊要老人家開心,我哋有陪佢上台切蛋糕。」

方伊琪讚歌藝出色

另一表演嘉賓方伊琪表示過往曾出席過約三次駒媽壽宴,她昨日在電話中回應:「我唔係第一次見駒哥,佢好好。」方伊琪也大讚崩牙駒兄弟為母獻唱一幕感人,她說:「咁多人同佢慶祝,最緊要老人家開心,我都係收封利是。」方伊琪指崩牙駒的歌藝有80分,她說:「佢唱得唔錯,佢哋唱卡拉OK,好多人都唔夠佢唱。」

採訪:比華利,楊潔雯

人物志:朱咪咪唱酒廊出身

朱咪咪年輕時唱得又睇得,所以很受歌迷歡迎
■朱咪咪年輕時唱得又睇得,所以很受歌迷歡迎。

現年58歲、原名朱月美的朱咪咪,出身於馬來西亞,小學畢業後便到新加坡,展開歌唱生涯。由於自小有歌唱天份,對音樂觸覺敏銳,再加上年輕時擁有G.E.M.的外表,因此很受歌迷歡迎。79年,朱咪咪來港發展,早期以唱酒廊、夜總會維生,也認識到不少江湖猛人。之後,91年朱咪咪擔任「廟街歌王」尹光演唱會嘉賓,扮偶像徐小鳳演出大受歡迎,奠定她後來的搞笑演藝明星路。

小八卦:洗米華染指娛樂圈

綽號「洗米華」的周焯華(左)投資拍攝《低俗喜劇》,與男主角杜汶澤相熟
■洗米華(左)投資拍攝“低俗喜劇”,與男主角杜汶澤相熟。

綽號「洗米華」的周焯華,前晚雖然缺席,但他其實是崩牙駒的徒孫,有傳崩牙駒東山再起,洗米華功不可沒。有指洗米華其實是前年成立的太陽娛樂文化公司的幕後大老闆,該公司旗下歌手有小肥、陳僖儀、陳奐仁及剛剛過檔的薛凱琪,而負責打骰的則是「金牌經理人」黃柏高(Paco)。該公司去年有份投資拍攝由彭浩翔執導的《低俗喜劇》,結果香港票房錄得3,000萬,鄭中基亦憑該片奪得金馬獎最佳男配角。

話你知:崩牙駒最愛曬歌喉

崩牙駒(右)愛唱歌,在學友澳門演唱會上,上台與學友合唱。
■崩牙駒(右)愛唱歌,在學友澳門演唱會上,上台與學友合唱。

崩牙駒一向喜愛唱歌,90年代亦有涉足娛樂圈,先後為張學友和劉德華舉辦演唱會。96年6月,學友在澳門開騷,當晚崩牙駒意氣風發,表示有人捐30萬,請他上台高歌《男兒當自強》;同年12月,崩牙駒再為劉德華到澳門舉行三場騷,但尾場時被警方拘留,其胞弟尹國雄代兄上台高歌《書劍恩仇錄》。此外,98年崩牙駒斥資一千多萬元拍攝電影《濠江風雲》,片中主角任達華飾演黑幫大佬,其實是崩牙駒前半生的寫照。

arrow
arrow
    全站熱搜

    tvb4life 發表在 痞客邦 留言(0) 人氣()