12/1
上週六（ 12日），林愛兒刻意戴上帽和眼鏡，跟何超盈孖住行街，兩人全程笑笑口好鬼 sweet。
封面
攬埋一嚿 同居林宅 超盈離家出走激四太
梁振英發表施政報告前，親建制宗教團體動員造勢，反對性傾向歧視條例立法諮詢，娛樂圈亦出一分力反抗，黃耀明、何韻詩和趙式芝聲援支持立法，誓要孿直共融反歧視。
娛圈同性關係逐漸浮面，連名人二代亦開始唔避忌。上年 10月，本刊踢爆賭王四房長女何超盈搭上林建岳三女林愛兒，兩豪門千金發展極速。據知四太曾出力阻止，母女為此爭拗，近日超盈更已進駐林家位於九龍塘的大宅。本刊追蹤數天，發現超盈與愛兒已不避嫌在街上擁抱，超盈更儼如女主人，於林家過夜自出自入。
超盈首回應同性關係
去年 6月，何超盈宣布與拍拖 4年的男友 Greg分手，甩拖即到美國及加拿大進修；但超盈一向戀愛大過天，單身 3個月，竟跟林建岳三女林愛兒愈玩愈埋，既在 Instagram傳情，又多次被拍得孖公仔去玩。
主動搭
愛兒除帽後，超盈即刻主動搭住愛兒膊頭。
步出林宅
下午 5點幾，林愛兒先步出九龍塘大宅，超盈再跟住上的士，的士直駛尖沙咀棉登徑開餐。
街頭連體
入到小巷，林愛兒才放下戒心除帽，並跟超盈攬頭攬腰。
入到拉麵鋪，超盈即刻點拉麵醫肚，二人一路食一路傾，好啱 key。
四太好錫超盈，但自從同林愛兒傳緋聞之後，四太提親呢單緋聞都發火。月初，她到君悅出席壽宴，被問到超盈同性緋聞時，又大發雷霆：「呢啲八卦嘢唔好問我！」網上圖片
冇心機讀書
超盈和在英國讀設計的前度 Greg拍拖 4年，不時孖住出席公開場合，更曾經揚言男友是結婚人選，分手時四太曾出手箍煲，可惜冇得掹。
原本於美國 UCLA（加州大學洛杉磯分校）讀書的超盈，更不時請假回港探愛兒，激到四太生蝦咁跳。知情人士說︰「佢兩個係心兒（林建岳細女）撮合 嘅，估唔到發展得咁快，身邊朋友都跌晒眼鏡，以為佢哋玩玩吓，但超盈𠵱家連書都冇以前咁有心機讀，四太今次堅嬲！」
據知，已經 22歲的超盈為保這段關係，不理家人的反對，與林愛兒夜蒲回家後，經常跟四太嘈交。「之前超盈同 Greg拍拖，四太好放心，但同 咗林愛兒一齊之後，超盈就愈蒲愈勁，有次四太 喺屋企仲喝走 咗超盈，其實咁咪仲加速佢哋發展，搞到𠵱家超盈直情搬埋入愛兒屋企住。」四太極力反對，反而一早接受了女兒取向的謝玲玲，就沒有投訴，據聞仲好疼錫超盈。「林愛兒好鍾意招呼朋友返屋企玩，但自從同 咗超盈之後，出親去玩都會孖住。謝玲玲好錫超盈，仲會煲湯畀佢飲添！」
小巷攬住行
本刊由上週三（ 9日）開始追蹤何超盈，發現她一連 5日都在林愛兒位於九龍塘的大宅過夜，其中只有一日，曾經返到四太於淺水灣道大宅逗留數小時，再返回九龍塘林宅。由於愛兒已於中大修畢法學博士課程，現於律師樓工作，所以逢星期一至五的上班時間，都不能陪超盈。
上週六（ 12日），何超盈和林愛兒於下午 4時在林宅步出，坐的士直駛到尖沙咀棉登徑長龍拉麵店豚王，兩人入到小巷，見沒有太多途人，即時相擁而行，林愛兒更攬實超盈的腰間，關係盡在不言中。
林宅出車
下午 4時多，由於愛兒返工，超盈單拖坐自己的 7人車，由九龍塘林宅去跑馬地一間銀行 㩒錢。
9/1
林宅過夜
㩒完錢，超盈返回四太位於淺水灣道大宅，逗留 3小時到天黑，超盈再命司機載她返回九龍塘林宅休息。
何宅短留
13/1首度開腔
週日超盈撇甩愛兒同友人去中環連卡佛，她一聽到「出櫃」，便大叫︰「 Oh My God！」而獲得滋潤的超盈亦明顯比早排甩拖時省鏡。
宣示主權
早前林愛兒 26歲生日，超盈（右）穿着寫上 Oiyi is mine，高調地宣示兩人的關係。網上圖片
前排林愛兒上載與超盈的親密合照到 Instagram，並留言「 love of my life」，令兩人的關係白熱化。但上載 1小時後，林愛兒又把照片刪除。
超盈： Oh My God
林建岳和謝玲玲所生的女兒，大女恬兒和心兒都是 Ball場新貴，反而中性打扮的愛兒作風低調，現於律師樓工作。據知岳少比較重視一對兒子。
翌日，超盈撇下林愛兒，與一位女友人到中環四季酒店，見到鏡頭，聽到林愛兒的名字，更急步入到酒店大堂。記者問她是否與林愛兒同居，她都冇回應；一小時後，好友陳柏熹（ MOISELLE太子爺）現身護駕，一行三人去到連卡佛，超盈才開腔回應。超盈解釋這幾天是陪伴美國回港的林心兒（林愛兒胞妹），但連日來，記者都沒有發現超盈跟林心兒外出。
F︰《 FACE》 盈︰何超盈
F︰係咪準備和林愛兒宣布出櫃？
盈︰（𤷪𤺧但不失禮貌） Oh My God！我唔係呀……救我呀！
F︰見到你哋好親暱喎！
盈︰夠喇，之前都唔想講！唔係呀，佢阿妹 喺美國返 咗 嚟，我同心心（林心兒）係 best friend，同佢一家人亦都好熟。
F︰你呢幾日都 喺林愛兒屋企過夜？
盈︰因為心心星期一走喇，唔信你可以去 check吓。
F︰媽咪係唔係介意你出櫃？
盈︰我唔想再上雜誌喇，求吓你啦。
F︰林愛兒父母知道嗎？
盈︰我已答 咗你唔係就唔係，問我 10次都話唔係。
本刊亦曾致電四太梁安琪及林建岳前妻謝玲玲，詢問超盈及愛兒是否已住埋，但至截稿前謝玲玲仍未回覆。至於四太就一派管唔到的語氣：「我唔知呀，你自己問番佢（超盈）啦！」隨即掛線。
攣直都撐同志
週日，趙世曾女兒趙式芝跟已信教的母親姚煒站台，在反同大會中支持母親。本週一，本刊致電趙式芝，問她對超盈和林愛兒一起的睇法，她直言︰「任何人出櫃都支持。」提到四太反對戀情時，她說︰「其實佢哋都係成年人，都有成年人的決定，但要對決定 咗 嘅 嘢負責任。」
任何人出櫃都支持 真實對白
《蘋果日報》圖片
本週一，何韻詩貼咗黎明呢張相到微博，仲話：「剛剛收到這張照片，我激動了！天王也相信大愛和平等， Leon，小菇跪謝你！」
賭王 11千金
4♥同性
一向多情的賭王何鴻燊，擁有四位太太，四房家室雖然兒孫滿堂，共 17個仔女，但何家 11名千金當中，包括何超盈在內竟有 4名跟同性關係密切。
長女：何超英（已離婚），有一女，近年行為怪異。
次女：何超賢（已婚），有一子及一女。
三女：何超雄（未婚），一直作中性打扮，曾傳她與新疆女子古麗同居。
四女：何超瓊跟許晉亨離婚後，近年與俞琤出雙入對，最近傳出 2人在淺水灣買新房。《壹週刊》圖片
五女：何超鳳（已婚），有 2女。
六女：何超蕸（未婚）喜與明星交朋友，尤其女明星，好似楊千嬅等，甚少傳她有男友。
七女：何超儀（嫁陳子聰）
八女：何超雲（好事近）
九女：何超盈（曾有一同性密友 Jessie，之後同讀設計的 Greg拍拖，分手後跟林愛兒關係密切）
十女：何超蓮（單身，曾有男友）
十一女：何超欣（ 13歲，未有男友）
四太𥄫實猷亨
賭王與四太長子、現年 19歲的何猷亨原本於英國 King's College修讀工商管理，但最近有傳猷亨已沒有在該校上課；今年除夕，猷亨和一班富二代分別夜蒲倒數，猷亨被目擊在夜店與人發生爭執，猷亨一度被箍頸，據知四太下令要𥄫實猷亨，唔准佢再亂 嚟！
猷亨性格較外向，今年除夕便有報道指他在夜店與人發生爭執，其間更互相推撞。《蘋果日報》圖片
屬於倫敦大學的 King’s College是倫敦十大學府，對學生的學歷要求相當高。不少富二代，如霍啟山亦是這大學的畢業生。
留言列表
