KATY　 22歲　城市大學電子商貿系 Yr.3
每日 Katy在家中都花不少時間上網留言，父母還以為她只是上網掛住玩。

U撈

網絡打手　半夜起身出 post留言

2013年01月16日 ~~ 第1095期 交易通．搵車快線

不少求職網都刊登招聘廣告，說可在家工作，月賺幾千甚至過萬，以前可能擔心會有行騙成分，但今時今日在家做網絡打手非常流行，在城大讀電子商貿的 Katy，擔任網絡打手已經半年，月入約 4、 5千，她自言除賺到零用外，還令她學識網上宣傳技巧，隨時隨地出 post留言。「要令人信你係真正用家，要半夜出 post留言，識得用分身之餘，又唔可以用同一個 IP出 post，做打手都有好多技巧。」

「做 咗打手之後，發現網絡好多 嘢都唔可信，好似我用緊 嘅一系列護膚品，之前 喺網上見人話用得幾好先去買，點知原來係我做嗰間 marketing公司 嘅客。我買 嘢前都會先上唔同 嘅論壇睇吓意見，雖然𠵱家明知好多都係假 post，但自己都會唔自覺俾網上 嘅留言影響。」
因 Katy主修電子商貿，很想了解 e-Marketing公司的工作，故上年年中透過朋友介紹，成為了網絡打手，她的客戶主要是美容產品及服務，「最初一個月，要返公司工作，時薪約$30，阿頭會教我點 喺討論區開 topic及應對等，仲會提供多個 login name畀我，每個角色都有唔同性格、需要，好似有 啲係 set咗有暗瘡問題、有 啲好 concern美白，唔同話題要轉用唔同身份去講，先有真實感。」

回家工作斷 project計

當 Katy學識當打手的技巧後，便可回家工作，「每月斷 project計，每月約要開 30個 topics，留 180則留言，每個留言約有 10多元，每月至少有 2至 3千收入，多會有 4、 5千。留言當然唔係 agree、 yes咁簡單，要扮到用家咁，要有實質內容。 嚟緊呢個星期我要開多 4個 topics，要有 3、 40個留言，諗到頭都爆，之後仲要寫 report，分析有幾多個係真正用家回覆，網路反應係點。」
Katy除了負責在網上開話題唱好客戶產品外，亦要做救亡工作，「有時會有人留言話產品唔好用，我要立即轉移話題或者平反，好似佢話唔夠保濕，我就要講美白功效好好。面對負面留言，救唔到惟有淡化， 喺 post留多 啲言，用新話題蓋過去。」
由於要避免被討論區網主或其他用戶揭穿打手身份， IP要成日轉，留言時間亦要注意。「早上返工時間好少人開 post，呢個時間留言好易被人懷疑，最好 喺晚上或者半夜，而且每次留言最好隔一、兩個鐘，有時我會校鬧鐘半夜起身出 post，我屋企人以為我成日上網玩，其實我做緊 嘢。」


平時 Katy一得閒就會用 iPad或 iPhone上討論區留言，「分散唔同時間留言，其他人冇咁易發覺我係打手。」




11年， Katy和朋友參加了 Poly SPEED舉辦的 Best Innovation Award比賽，他們以為無國界醫生設計的 business plan，贏了冠軍。


Katy自言很喜歡大學生活，並成為學生大使，為學系舉辦及推廣活動。

被討論區封 account

喜歡試不同工作的 Katy，放學後會到家姐開設的餅房，幫手整餅及做客戶服務。

Katy試過被討論區版主發現用同一個 IP經常留言，封鎖了她的所有 account，所以她每逢去到朋友屋企，都會借機上網，還會用 iPhone、去 cafe等不同地方上網留言。「我唔識用 software翻牆，試過被 Ztyle.com block咗 account同 IP，𠵱家惟有出街先去呢個網留 post。」
由於做打手夠彈性，令 Katy有好多時間試其他工作，「我屋企人個個都百足咁多爪，家姐係 event planner又搞餅房、媽媽做保險，佢 哋好主張我試多 啲 嘢。我都考 咗牌跟媽媽做保險，不過我冇主動搵客，只係想學多 啲 嘢，有個牌傍身，如果媽媽將來退休，我都可以接收佢 啲客。呢個學期每星期我只係返 3日學，一得閒會上家姐 嘅餅房幫手。」
此外， Katy更是一個進修王，她未畢業已用盡了持續進修基金去讀普通話及 e-marketing。「學多 啲 嘢先有安全感，自小屋企都知我唔係讀書材料，所以冇迫我讀書，反而入 咗 U後就愈讀愈開心，加上我好鍾意電子商貿呢科，仲攞埋獎學金。雖然未諗到畢業後確實要做 啲咩，但最好係自己開公司做老闆！」 

做打手有前途

專幫客戶做網絡推廣的 Pixo Punch， bossini、 Canon、 AIA、李錦記、鐵達時都是他們的客戶，負責人 Ben表示，如像 Katy有豐富的社交網經驗，大可應徵做全職社交網絡專員（網絡打手），工作負責為客人設計 facebook及於社交網留言等。
「初入職人工$10,000至$12,000，入職要求大學畢業及熟悉社交網世界，做落有 4、 5年經驗熟悉市場動向，可升為 Social Media Planner，負責幫客戶策劃推廣，好似 team leader自己 hold一隊去幫個客做，人工$18,000以上。」至於兼職方面多是以 project計，價錢每個都不一樣，人工面議。

社交網絡專員

機構： Pixo Punch
入職要求：大學畢業、有上網習慣
人工：$10,000起
申請：可電郵履歷表到 mailto:ben.woo@pixopunch.com

Pixo Punch負責人 Ben

唔少品牌 inhouse自己都有專員去跟 e-marketing嘅工作，前景發展唔錯，因為係大勢所趨。好似 Katy有豐富 嘅社交網經驗，做打手會有前途，由低做起了解社交網 嘅市場策略，將來可升為管理層，為客戶訂立宣傳策略。 

撰文：陸伊琳
攝影：吳偉業
部分圖片由被訪者提供