close


2010年，本刊飛到台灣採訪葉青霖喺玉佛寺嘅出家情形，佢仲好友善咁接受訪問。轉眼兩年，常霖法師嘅出家意志，依然堅定。

著名攝影師、前藝人廖安麗嘅老公葉青霖，喺2010年放下事業、名利、親人與家庭，毅然到台灣玉佛寺出家。早前佢以「常霖法師」之名，推出咗佢出家後嘅第一本著作《在印度遇見佛陀》，書中可以話係記錄咗佢嘅前半生。一個生長喺貧苦家庭嘅孩子，結果事業成功、家庭美滿、享受名利，卻因為父親患肝癌，母親患直腸癌先後逝世，令佢苦思人生意義究竟為何，最後喺2010年正式出家。

回頭不易
不過，常霖法師喺書中話，原來佢曾經因為一直搵唔到適合嘅佛寺出家，但又已經將身邊嘅嘢，賣嘅賣、送嘅送，覺得好似返唔到轉頭咁。仲喺書中寫：「好沒意思，不能修行還能做甚麼？乾脆死掉算了。」好彩最後佢都打消呢個念頭，仲成功出家。媽咪姐睇咗常霖法師呢本書，個人又真係開懷咗好多，好似佢引述前妻廖安麗（應該已經辦咗離婚手續，因為出家人唔可以有太太）話：「老公離開，只係出家，又唔係有外遇，點解唔俾老公去出家呢？」唉，但如果真係可以睇得咁通透，媽咪姐就唔使成日疑神疑鬼啦！睇嚟真係要學吓參禪嘞。

出家生活全面睇
####


前年台灣皈依


出家前，葉青霖多次到印度參禪，今次出書亦由印度嘅修行講起。


想當年，葉青霖同廖安麗，一個係長髮嬉皮士，一個係鬈髮開心果，好襯！


清潔打掃係葉青霖出家後每日必做之事。書入面，有唔少佢喺玉佛寺內嘅生活照，張張都好有意境，始終係名攝影師，有要求！


常霖法師話，依家出家都可以用skype同遠在澳洲讀書嘅兩個女傾偈，好潮！


廖安麗真係絕世好老婆，佢唔單止支持丈夫出家，仲親身去埋玉佛寺一齊體驗修行。

arrow
arrow
    全站熱搜

    litalife 發表在 痞客邦 留言(0) 人氣()

    E-mail轉寄