close


Hi！我係唔chok嘅「林瘋」！（設計對白）林書豪身高6呎3吋，喺NBA嚟計，其實一啲都唔算高。好在佢彈跳力驚人，身手靈活，係一個好有爆炸力嘅控球後衞！

睇得《忽周》多，大家應該知媽咪姐關心時事，呢期最hit嘅「林瘋」林書豪又點可以miss呢？講起呢位瘋魔全球嘅NBA美籍華裔新星就真係興奮，醉心籃球嘅佢，哈佛大學畢業後，喺NBA選秀大會無人理，之後先以自由身加入家鄉球隊金牌勇士，但係一直不被重用，俾人當波咁踢嚟踢去。捱咗兩年，先以短期合約形式入咗紐約人隊，但多數做後備，仲有名叫「飲水機管理員」，寸佢只可以為隊友斟水。


好在呢個後生仔夠硬淨，一直勤力練波無放棄，終於等到今個月4號，球隊主力受傷，佢替補上陣攞到全場最高25分，一鳴驚人！之後，佢再代表主隊出戰由超級球星高比拜恩領軍嘅湖人隊，全場獨取38分，帶領球隊勝出。截至美國時間周二（14日）為止，林書豪已經協助紐約人取得6連勝！佢喺成名前一日，仲要喺隊友間屋做「廳長」，差啲被炒㖭。都話努力總會被看見！ ####


球迷將林書豪個姓「Lin」化成「Lincredible」同「Linsanity」，「林瘋」大熱呀！


林書豪細細個就跟熱愛籃球嘅爸爸睇波，不過三兄弟中，只有身為老二嘅佢打職業籃球。


「林瘋」喺哈佛主修經濟學，副修社會學。

arrow
arrow
    全站熱搜

    litalife 發表在 痞客邦 留言(0) 人氣()

    E-mail轉寄