close
1，2，3，吸氣！（設計對白）唱到最後，個升降台已經落緊，佢哋仲咀到脷疊脷，french kiss？直情係狼虎版人工呼吸啦！
彭羚贏晒
之前彭羚同容祖兒喺第二場合唱〈心淡〉嘅片段，俾人擺上Youtube，短短幾日有成七十幾萬點擊，唔少人都話佢唱得仲好過原唱嘅Joey。呢晚，媽咪姐聽完，真心講句，前輩真係前輩囉！
東東回歸
陳曉東特登由北京返嚟撐Wyman唱〈水瓶座〉，別來無恙，係肥咗少少啫。
先摸後咀 Eason腳傷都撐Wyman，佢同何韻詩唱〈芳華絕代〉就全程投入， 首先係隻手唔得閒。
網友頂唔住 Eason同何韻詩嘅脷疊脷片段，火速喺網上流傳，但多數網友大嗌頂唔順。
（左起）陳奕迅、王菀之、蘇永康、薛凱琪、何韻詩、黃耀明、彭羚、李惠敏、黃偉文、容祖兒、傅珮嘉、盧巧音同梁漢文， 呢個陣容，一時無兩，只怕後會亦難有期。
盛傳同黃偉文不和嘅楊千嬅，呢晚挺住五個幾月巨肚神秘現身，Wyman仲推架紫色BB車上台獻花，一笑一抱，盡在不言中。
丁子高、徐濠縈同汪阿姐相機不離手，咁全晚又有french kiss又有和解擁抱，確係要影多兩張嘅！
陳可辛帶囡囡陳是知特登捧老婆場，嗯……聽完之後，相信佢哋會同媽咪姐一樣，極力支持君如繼續拍片！
吳君如同Wyman原來有首合唱歌叫〈初一十五〉，十五年前佢哋仲喺紅館唱過呢首歌，君如呢晚話：「喺邊度跌低，就喺邊度企番起身！」但Wyman笑佢：「係跌得更深先啱！」
全站熱搜
留言列表
