close


當日吳浩康同新女友Olivia，在人流甚多嘅The One商場行街時，兩人全程保持距離，看來不想新戀情曝光。

衰過藏毒、打架的吳浩康，歌唱事業毫無起色，去年8月被拍拖5年的拿督女莊思敏狠飛，吳落力箍煲不果後，欠債新聞更陸續有來。吳浩康先被指拖欠租金及8萬蚊卡數，之後又被莊思敏爆響口，指他的手提電話費及上網費，都是由她信用卡過數，難怪之前吳曾落力翻撻莊思敏。雖然「錢」路茫茫，不過28歲的吳浩康把口啷過油，最近更成功溝掂22歲模、性感女子組合「Mi55」隊長Olivia（麥家朗）。月入二萬餘元的吳浩康現時每月還款萬四，居然仲可以踢走Olivia拍拖3年的模特兒男友Brian Yu，成為其正印男友，吳浩康的艷遇的確恨死唔少港男！


上年8月，莊思敏在微博宣告與吳浩康（Deep）分手，吳浩康努力復合不果，惟有在去年年尾積極找尋新女。以往，吳浩康的緋聞女友胡定欣、Yumiko、唐詩詠個個都是圈中靚女，而新女Olivia亦是新晉模，更比他年輕6年，非常嫩口。

飯局暗
2月4日傍晚5時許，吳浩康與新女友Olivia（麥家朗）和另一pair拖友到The One的「金牌小龍」上海食肆醫肚，兩對情侶柯打了兩碗牛肉麵及一碗擔擔麵。等食期間，四人有講有笑，吳浩康多次笑到挨落Olivia膊頭，態度親暱。牛肉麵一到，吳浩康即「自動波」替女友搯麵，大賣細心。用膳完畢，四人繼續細聲講大聲笑，逗留兩個多小時才埋單，之後一行人轉場踩上18樓的囂Cocky Bar，繼續把酒言歡，直至凌晨都未見離開。「Deep上年尾蒲吧時，經朋友介紹認識Olivia。個個都睇得出Deep當晚已經對Olivia嗒晒糖，不過Olivia嘅男友Brian亦在場，Deep當然唔敢亂嚟。不過佢趁Brian行開，即同Olivia交換電話。因為Olivia打算出碟，Deep咪借頭借路打俾人，加上Deep又識作曲，兩個就係咁撻着咗。三個星期前，Olivia仲同男友攤牌嗌分手㖭。」知情者說。

知對方失戀
就新戀情向吳浩康求證，他說︰「冇！（係咪喺夜店識咗模Olivia？）我哋識咗好多年，佢媽咪係我契媽。（佢係咪你杯茶？）呢啲好難講！將來嘅嘢唔知！（佢啱啱入行，你有冇教路？）依家都係搞掂自己先，唔諗拍拖住，總之係單身。（佢同男友甩拖你知唔知？）聽佢講過，佢都有呻失戀。」至於Olivia，則透過經理人向生回應：「公司沒有干涉藝人拍拖，據知Olivia與Deep是青梅竹馬，而Olivia跟舊男友已分手一段時間，近期才開始與Deep交往。」吳浩康現時任職保險，閒來亦有教人打拳及拍電影，平均每月收入都有二萬多元。不過每月扣除必要還的萬四蚊卡數後，連交租都有困難！窮根未盡一樣有女埋身，Deep的確恨死唔少「爸打」！

與舊男友拍慾照
吳浩康新女Olivia，08年曾經面試由庾澄慶主持的《耳分高下》天使，可惜最終落選，後成為模特兒，並得到米原康正賞識。米原康正是日本情色攝影大師，曾為傅穎拍攝寫真。而網上亦流傳了多張Olivia與模特兒男友Brian Yu的纏綿慾照，不過據知兩人上月已正式分手。

拍寫真入行
現時Olivia是五人性感女子組合「Mi55」的隊長，「Mi55」隸屬於「M Spy」模特兒公司，「M Spy」旗下有逾六十名模特兒，老闆是向華強姪兒向展邦。有大條水喉射住，「Mi55」在上年推出寫真集，而「M Spy」亦表示會揼七位數字為「Mi55」出碟打入樂壇。 ####

 
2月4日甜蜜撐枱腳醫肚期間，吳浩康同Olivia坐埋同一邊卡位，兩人不時互相挨住密斟。

 
淨係靠英皇份人工，吳浩康又點夠用吖，所以佢兼埋教打拳（右），去年仲考咗個保險牌撈埋保險。




吳浩康：我哋識咗好多年！ 2月10日，吳出席首映活動。問到新戀情？他強調自己冇拍拖， 不過佢仍有保留咁話：「將來嘅嘢唔知！」


在電影《逆戰》中，吳浩康有3分鐘嘅演出，佢因為做二五仔被人打到七彩，仲要困在車尾 箱七小時，真係辛苦。


一聽到記者追問吳浩康新戀情，莊思敏即時和吳浩康劃清界線，表示以後有關他的問題都不作回應。


在facebook找到唔少Olivia同前度Brian Yu嘅親密相片，當中不乏「咀嘴」同上身赤裸嘅激情照片。


Olivia與4名模組成「Mi55」，去年更推出寫真集。



arrow
arrow
    全站熱搜

    litalife 發表在 痞客邦 留言(0) 人氣()

    E-mail轉寄