close


別了香港樂壇六年的小春，在Leon的帶領下，今年會回歸樂壇。

陳小春06年加盟正東後，六年來只出過一張唱片，去年與黎明合作電影《鴻門宴》時，Leon成功游說他加盟A Music旗下，據知黎老闆要小春再行古惑，並構思好情商鄭伊健幫拖，聯手合作搞個古惑仔演唱會，助小春打響頭炮。

無放棄唱歌
黎明陳小春相識超過十年，去年於電影《鴻門宴》碰上，促成雙方進一步合作。「佢哋以前拍過《少年賭神》同《神偷次世代》，但私下就少聯絡，所以唔算老友，直到舊年再一齊拍《鴻門宴》，大家傾講吓，Leon先知道歌手出身嘅小春原來仲係咁鍾意唱歌，愈傾愈投契，咁就簽咗小春返A Music！反正公司都冇乜歌手，Janice Man同李治廷捧極都捧唔上，多個舊人未必壞事。」A Music員工說。

古惑仔演唱會
一向想法多多的黎明，已為小春定下不少計劃，其中一個是幫他在紅館開個唱。「Leon應承咗小春為佢搞個唱，舊年Leon都特登叫咗喺北京拍緊戲嘅小春請一日假，返嚟做佢紅館個唱嘉賓，就係想睇吓觀眾嘅現場反應。其實小春近幾年都係主力喺內地發展，觀眾幾乎唔記得佢都係歌手，Leon知道諗起小春，就自然會諗起古惑仔同鄭伊健，所以佢想兄弟班搞咗個古惑仔演唱會先，再搞小春個人演唱會。」對大做陳小春，A Music行政總裁王凱文回應：「公司幫小春做緊歌，至於有咩大計，而家仲未可以透露。」

買定屋生B
準備重返香港樂壇外，陳小春與老婆應采兒亦樂於在內地拍劇拍戲賺人仔。據了解，二人滿約中國星後，將不會再續約。「采兒同北京啲朋友講，同中國星仲有一年就約滿，之後同老公都唔會再續約，反正而家小春接乜嘢，都係老婆做最後決定，而且佢哋諗住呢兩年生小朋友，所以采兒都唔會接咁多嘢做。」應采兒身邊人說。為生B做好準備，陳小春早前已一擲三千萬，購入位於大埔天賦海灣的面對海景二千多呎獨立屋，收樓搞好裝修，就會搬離康樂園舊居。 ####


Leon看中了小春與鄭伊健的古惑仔形象深入民心，所以計劃搞個古惑仔演唱會，為小春打響頭炮。


原來Leon與小春相識了十多年，但二人很少聯絡，直到去年合作《鴻門宴》才真正了解，成為好友。


小春剛與傅穎完成拍攝全中國第一套3D懸疑電影《詭婚》，該片將在全東南亞上映。


二月初，小春陪老婆回美國探家人，兩公婆順便四處旅遊，更參觀波鞋廠。


應采兒與老公小春即將滿約中國星，夫婦兩人決定不續約，靠自己打天下。


本身住在大埔康樂園的陳氏夫婦，剛剛以三千萬買了大埔天賦海灣。

arrow
arrow
    全站熱搜

    litalife 發表在 痞客邦 留言(0) 人氣()

    E-mail轉寄