三十萬名畫
著名畫家曹小冬係達哥 fans，三年前，佢送 咗幅達哥 嘅畫像俾達哥。呢幅畫係逐點點上去，唔係用筆掃。曹小冬 啲畫 喺紐約拍賣最少要幾十萬一幅，呢張估計最少值三十萬。
星悅居
劉以達 尋寶屋
劉以達家居
劉氏夫婦搬入林村已有 4年多，和街坊關係甚好。記者在他們住所附近的士多等候時，士多老闆娘會問：「你 哋搵達哥、達嫂呀？我幫你叫佢 哋落 嚟！」達嫂亦說：「我 哋平時叫外賣唔使出門口 嘅， 喺窗口吊個籃落地下就得。呢度鳥語花香，行去對面又有好多有機菜買，養老一流。」
意國浮雕
兩位都係虔誠嘅基督徒，家裏除了黐滿聖經金句外，這幅畫亦係教友去完意大利送俾佢哋嘅手信。
七彩牆角
呢啲唔同顏色嘅迷你垃圾桶，達嫂在貨辦場買，每個五蚊，儲齊所有顏色都唔使一百蚊，而出面街要成廿幾三十蚊一個。
印度和平
讀設計嘅達嫂，甚喜歡富有藝術色彩嘅擺設。呢個 PEACE係印度貨，百幾蚊就可以搬佢返屋企。
單位平面圖
達嫂平買玩具屋
不過，對這兩公婆來說，這個家最一流的地方，一定是有足夠地方擺放玩具。達哥的 Batman玩具集中擺喺工作室，達嫂的珍藏就放正在大門。一入屋記者即被那間模型玩具屋深深吸引。
達嫂笑說：「我最鍾意行夜冷店同跳蚤市場，我覺得用一百蚊買多幾件平 嘢，好過用一千蚊買一件貴 嘢。我呢 啲玩具全部都係五蚊、十蚊。間玩具屋之前賣成千七蚊，我唔捨得買，最後見舖頭大減價四百蚊至買。玩具屋入面 啲擺設，係我後來逐件買返 嚟砌入屋 嘅，我買 嘢係要經濟實惠。」
達哥兩夫婦平日愛捐窿捐罅，用平價買歐洲公仔及玩具屋的配件。達嫂說：「我 哋唔會俾工人打掃玩具，費事揩花 啲 Batman，我老公詐型， 嗰 啲係佢命根 嚟 㗎！而我只在大門口整番個小小地盤，河水不犯井水。」
平價花筒
自認係萬花筒妹嘅達嫂，家中亦收藏唔少萬花筒。呢個大理石紋萬花筒，雖然係膠造，但手工好，一百蚊有交易，超值。
平買靚屋
呢間模型屋裏面嘅迷你擺設，最貴嗰件都係$35，成間屋都唔使二千蚊。
下層小屋個燒烤爐都係幾十蚊貨，而旁邊嘅擺設都只係五蚊、十蚊，相當抵玩，達嫂笑說：「買個雞尾包都要五蚊啦！」
東歐娃娃
呢堆娃娃一家七口，即是由細至大可以七合一收埋 喺最大隻 嘅娃娃體內。「呢 啲娃娃係木雕加手繪，係烏克蘭同俄羅斯一帶 嘅特產。我 喺網上買，三百蚊一套，最細 嗰個好似花生咁細。」
藝術彩碟
大門側的牆上，貼上了大大小小 嘅碟，達嫂話：「 啲碟隻隻燒出 嚟都唔同色， 喺大埔 嘅貨辦場買 嘅，幾百蚊 啫!我鍾意佢 啲顏色靚，好有藝術感覺。」
大門一開，就見到達嫂嘅精緻玩具山頭。模型玩具屋同旋轉木馬相當養眼。這款有 50首音樂嘅木馬在紐約賣數千元，但達嫂帶達哥到貨場買，一千蚊搞掂。
藏寶大廳
音樂、拍戲及玩具是達哥人生三件事，雖然客廳主要都係達嫂 嘅擺設，不過達哥都有好多玩具同影碟散放在大廳四周。
成日摸住玩具
至於達哥買 Batman雖然所費動輒數百元至數千元，不過他就有別於一般玩具迷，唔 like用玻璃櫃放玩具。他說：「我鍾意就咁擺 喺度，得閒就要摸吓啲玩具，隨手可以轉一轉佢 哋 啲姿勢先好玩！」
房間左面擺滿 Batman figure及 Batman車，門後更擺放了 6呎高的 89年蝙蝠俠造型戰衣。「歷代蝙蝠俠當中，我最鍾意 89年個造型，貪佢望落去惡 啲。呢件戰衣我鍾意 咗好耐，早排先 喺 eBay發現有再版，我咪用$15,000 bid佢返 嚟囉，唔算好貴。依家我等緊 hot toy出架實物大 嘅戰車。」
不過創作時，達哥就會冷落玩具。「要寫歌時，我 喺工作室會先祈禱，如果有靈感就記低 啲節拍，之後再諗應該用邊樣樂器去演繹。有時 瞓到凌晨突然靈感到，我都會起身記低佢。」工作時專心工作，絕無玩物喪志，難怪達哥有本事愈儲愈多啦。
介紹工作室時，達哥笑說：「呢間係我做音樂 嘅工作室，亦都係我 嘅玩具房，擺滿心頭好。」這間房擺放唔少 89年版 嘅 Batman。
蝙蝠戰衣
呢件蝙蝠造型戰衣花費$15,000，達哥說：「呢件係硬膠造，我着過十次，每次都要搵人幫手，要着成半個鐘頭。」至於小圖本特刊，就係十幾年前達嫂同達哥啱啱撻着時，達嫂送俾達哥嘅定情禮物，達哥仲儲埋單據。
改裝戰車
達哥大大小小的 Batman車加埋有 9架。達哥話：「呢 啲全部都係 89年款。有 啲車我改裝過，會着燈，又有好多機關。」
像真戰艦
戰艦出自動畫《宇宙戰艦大和號》，達哥話：「呢隻係最大 size嘅大和號模型，我斷斷續續砌 咗差唔多四個月。佢 啲炮會轉又有聲，幾年前 喺台灣買都要四千幾蚊港紙。」
嚇親明哥
留言列表
