前立法會議員李華明在政壇退下火線後，去年自設公關公司，工作時間較彈性之餘，開心有更多的親子時間。

李華明有女初長成，名叫敏蓓，今年二十四歲，彼此關係親密和諧，一家三口經常結伴出外旅行，並已計劃快將到意大利歎世界。不過，他斬釘截鐵表示，對女兒從不嬌生慣養，反而着力培養她獨立自主和敢言的性格，從來不會讓女兒變成「溫室小花」，令她有機會繼承父業。「我自小帶佢去好多社區活動，接觸唔同人，所以佢唔怕醜，又夠膽講嘢，有潛質做議員，但老師投訴佢多嘢講。」

在政壇退下火線的李華明，去年開設公關公司，他笑言現在工作時間較彈性和自由，亦有較多時間與家人出外旅行。

二○一○年，李敏蓓在悉尼Macquarie University畢業，李華明及太太前往參加其畢業典禮。

教女獨立

李華明於去年十月開設公關公司，太太閒時幫手做會計，而女兒李敏蓓剛完成為期十個月的日本工作假期之旅，如今一邊找工作，一邊幫爸爸做資料搜集。李敏蓓性格獨立、開朗，中五畢業後曾到過意大利交流，之後遠赴澳洲升讀大學，修讀傳媒與文化學系，副修日文。

李華明憶述：「嗰女由細到大都係讀德望，但佢會考成績中等，加上澳洲有親戚，所以畀佢去嗰邊先讀基礎班，佢讀咗半年就升上year 1，總共讀咗四年，我覺得快過喺香港讀。」雖然女兒中五後已「離鄉別井」，但沒有影響與父母的關係，一家人關係和諧。「都冇話捨唔捨得，佢去澳洲開學時，我同太太陪佢過去，租架車周圍去買嘢，幫佢搬嘢入宿舍，佢喺嗰邊大家都有聯繫，有時我哋飛過去探佢。」

女兒自小的樣子與爸爸李華明非常相似，就連性格亦相近，彼此性格獨立、好動，同屬敢言的人。