探熱針
梁芷珊：我一啲賭癮都冇！
bma老闆娘梁芷珊去年中退出唔做她一手搞起的天水圍飛馬（現改名為太陽飛馬）班主後，專心做老公羅傑承左右手。無再帶球隊，但近半年多了時間研究波經馬經，梁芷珊由睇變賭，多次刀仔鋸大樹，試過落注英超千五蚊贏廿萬，馬會戶口半年來由三萬開戶激增至七十多萬。公開分享賭波策略後，梁芷珊更被跟住買有錢贏的高登仔，稱為新一代「波神」。
千五贏廿一萬
揸慣筆的梁芷珊，在 fb post了她落注前的分析策略，原來一做幾粒鐘，十分認真。
二千九贏八萬六
梁芷珊 2月 14日投注買歐霸盃，但在賽後先 post上 fb分享策略，原來落注當日係結婚紀念日，同老公慶祝大過天，仲比平日加大注碼。
fb分享貼士
本來對賭興趣及知識都十分有限的梁芷珊，自從成為馬主，又做了近四年的球隊班主，憑住過去睇波經驗，去年十二月開始在 facebook公開自己的落注心得，落注賭英超，以千五蚊四串十五混合過關贏廿幾萬，又做過落注二百蚊贏十六萬紀錄，贏多輸少，有波迷跟足買有斬獲後，累積多次贏錢紀錄的梁芷珊，遂成為高登「波神」。
「芷珊舊年十月先喺馬會開戶口，馬會見佢連贏好多場，主動打電話叫佢嘅，芷珊又覺得幾好玩，所以開始存咗三萬蚊入去，而家累積贏咗成七十幾萬。佢其實只係當作分析能力訓練，佢都有輸過，不過每次注碼好細，多數係買幾百蚊。
係有次羅傑承見老婆連贏幾場，提議佢把握運氣買連贏過關，佢又想試吓自己眼光，就破例買咗千五蚊飛，結果贏咗二十一萬。呢啲 lucky money，佢大部分都捐咗去保良局。」身邊人透露。
梁芷珊自言做事投入， 06年入主南華足球隊，負責宣傳推廣的她，成功將百年球會重新包裝，令南華重振聲威。
睇晨操片段外，梁芷珊間唔中又會跟老公及女兒到馬房餵馬，投入程度百分百。
身為保良局總理，日前出席她一手搞的慈善 ball，打扮成公主配合當晚主題。
週日入場，好友黃婉曼（左一）、前女騎師江碧蕙（左二）以及張寶華（右一）悉心打扮出現撐場。
捉冷馬
週日（三月二十四日），羅傑承的「軍事出擊」贏了一級賽拉頭馬，梁芷珊照過往做法，投注一萬支持愛駒，結果當日有七萬進賬。據了解，梁芷珊間中也會鑽研馬經，更認真到睇埋電視晨操片段，由外形、步法到狀態逐樣分析，亦偏向揀冷馬，幾百搏幾萬。
對於被高登仔封為「波神」，梁芷珊說：「我覺得足球同賽馬都係 life style，女人賭波賭馬都可以好優雅，我一啲賭癮都冇，有心水會投注少少，冇心水，就算刨咗都唔買，總之就係小賭怡情。」
去年成為贏得最多獎金馬主，週日她跟老公擁有的愛駒「軍事出擊」，贏了一級賽，梁芷珊帶埋女兒拉頭馬影相。
捉冷馬六百贏四萬
橫財命
有人天生偏財運佳，好似中過兩次六合彩的梁思浩，同中過多次賭場大獎的陳淑芬，都係中完再中。
梁思浩
梁思浩分別在 03年及 10年中過六合彩，兩次都是二獎，先後贏得 79萬及 90幾萬獎金，有橫財運的他表示每次都是心血來潮才去買。
陳淑芬
先後中過 3T同六合彩的陳淑芬，一向有橫財命。 06年試過抽中一部平治同兩部法拉利電單車， 10年和草蜢、欣宜等到美國拉斯維加斯賭城演出，又贏酒店大獎 Bentley房車。雖然左軚車香港唔揸得，但轉讓後有 300萬港幣落袋，認真和味。
撰文、攝影：娛樂組
留言列表
