close
同你吟一吟
周麗淇遲不可恕
守時係基本要求!尤其同工作有關嘅,八珍再無法無天,都唔敢妄犯!
上星期五(二十二日),《女警愛作戰》舉行慶功,女主角周麗淇足足遲到四十五分鐘,原因係尖沙咀好塞車。週末塞車,正常!周麗淇亦知衰,話遲到冇藉口,不停向在場同事傳媒「耍冧」。
大家受得起有餘,閣下係女主角,唔等你就「開波」,唔啱數!一等大半個鐘,加上俾咗傳媒通告,為免記者等到吽,辛苦同劇兩個長腳女朱慧敏、呂慧儀,不停東搞西搞俾嘢大家影,監製就等到面都黑埋。數吓手指,周麗淇都入咗行接近十四年,連咁基本嘅要求都做唔到,學你家姐周汶錡話齋,快啲搵人嫁咗算!
多咗四十五分鐘時間影相,謝天華、朱慧敏同呂慧儀不停出花臣,等在場採訪記者冇咁無聊。
全站熱搜
留言列表