close
同你吟一吟
薛凱琪唔夠環保
超級市場收五毫子一個膠袋後，自備購物袋嘅人的確多咗，不過，貪方便嘅，依然唔少。
上星期五（三月二十二日），《壹》仔喺尖沙咀海港城 City'super見到薛凱琪同助手喺零食架揀薯片、餅乾，買完之後仲即刻拆袋，邊行邊𡁻。雖然兩女手上大袋細袋有齊，但佢哋照用五毫子買超市膠袋，環保意識好低。
之前一日（二十一日），《壹》仔亦喺 ifc嘅 City'super見到車婉婉，佢大大話話買咗冇十件都八件貨，但婉婉寧願塞到個手袋變形，都唔用錢買膠袋，絕對可以做環保代言人。
請記得記得記得自備購物袋，仲有，唔好輕易放棄閣下屋企用緊嘅塑料家品，你同我，都有責任。
環保嘅車婉婉將所有嘢放晒入手袋，如果唔睇俾錢嗰張相，都唔知佢啱啱喺超市買完嘢。
全站熱搜
留言列表
