close
社交圈
扭擰
名人的動向當然備受注視，不過有啲人愛扭擰，心裡面明明想做又要扮嘢，口不對心。
莊思敏 摸到即止
莊思敏上週六以一襲半透視上衣去灣仔睇爆衫猛男騷（下圖），平時心口 open的她，當晚卻連皮褸都唔除，又只肯用手指摸吓猛男胸肌交貨；相反模媽 Mia就好搏，俾猛男抱到露打底褲都無所謂，問莊思敏做乜咁錫身？佢緊張說：「可能佢哋見我較高大，所以無人抱起我。」
上週三身穿 Burberry Prorsum加 Jimmy Choo五吋高跟鞋的鍾楚紅，為 Citibank的新信用咭活動揭幕。成為首張黑咭咭主的她說：「我好鍾意碌咭，特別係旅行時，但我好謹慎，唔會碌爆咭。」問她感情生活如何時？「你睇我咁款就知冇啦！」但紅姑全程左扭右扭，似著高踭鞋企唔穩多過擺甫士，就連佢都笑話：「我好少著咁高，依家遨吓遨吓，但咁高睇到好多嘢。」
何柱國 變臉
星島集團老闆何柱國經常公開明寸特首梁振英，上週五集團搞頒獎禮，照慣例要請特首做主禮嘉賓，當他現身接特首入宴會廳時，不忘繼續寸嘴，對住 CY話：「佢哋問我係唔係同你唔啱喎。」後來他在台上致辭時卻忽然變成「梁粉」，先讚特首係有能力的人，仲話唐唐咁多風風雨雨，要撐對方好辛苦喎！
撰文、攝影：名人組
全站熱搜
留言列表
