眼瞓都要買！買！買！（設計對白）
挺巨肚行超市，蘇岩不停打呵欠，但仲磨多半個鐘，先肯同老公返酒店休息。
探熱針
睇名醫住私院 羅嘉良老婆香港豪生
五十歲的羅嘉良與第二任妻子、北京演員蘇岩結婚四年，去年十月宣布老婆有喜。今個月中，挺着八個月巨肚的蘇岩來港待產，據知錫老婆錫到燶的他，一早 book定香港婦產科方幸生醫生，在設備配套一流的私家醫院，並暫停所有工作
陪產！
攞住大袋 agnes b.戰利品，二人不時睇小禮物同賀咭，相信是準備 BB出世後回禮之用。
唔戒口
側面睇，巨肚似生得，蘇岩手執兩個芒果，燥熱、濕毒食物照食。
來港檢查
○八年與糟糠方敏儀離婚，羅嘉良自稱給前妻及兒子大部分身家作補償，三失中年冇車冇樓冇女，卻有指他早已與內地有家底的女演員蘇岩搭上。結果離婚唔夠一年，即與蘇岩在北京結婚，並移居當地，為新歡做強國人。
去年十月，羅嘉良公開宣布老婆有喜三個月，十二月，佗住五個月肚的蘇岩跟老公回港任「顧嘉煇演唱會」嘉賓，跟其他強國人一樣，蘇岩訪港瘋狂 shopping外，見婦產科醫生，作產前詳細檢查為首要任務。
15/3
話分咗唔少錢俾前妻嘅羅嘉良，在微博上載同老婆搭「超平價」的香港航空機艙相，大讚航空公司好服務。
前妻艱苦
離婚後，方敏儀母子相依為命，由愉景灣搬到貝沙灣單位居住，生活靠自己。
朋友推介醫生
「撈家一知道老婆有咗，已經決定要返香港生，又周圍搵身邊朋友介紹可靠嘅婦產科醫生；聽佢話最終揀咗楊千嬅都幫襯嘅方幸生，如果養和冇位，都可以揀其他私家醫院。」羅嘉良身邊人說。
早在去年尾，拍完微電影《時間門》及內地電視劇《精忠岳飛》、《女人的武器》後，羅嘉良已推卻所有工作，專心陪住大肚蘇岩；但之前接落不少工時不長的內地賺錢商演，就要做到農曆年後，儲落奶粉錢的他，早前才與挺八個月巨肚的老婆，搭飛機來港等生。
買到一車都係，陪老婆行足一日的羅嘉良一副殘樣跟尾，蘇岩對榴槤好有興趣，買咗個。
農曆年期間，撈家出席多個春晚及上節目的商演活動，賺定大筆奶粉錢。
等待老公攞嘢，巨肚蘇岩頂唔順挨住條柱抖一抖玩電話，之後再會合老公離開。
12/12
去年尾生日，五個月肚的蘇岩為老公搞生日 party。
24/3
兩公婆到西貢拍拖兼食海鮮，蘇岩上載凍奶茶相，話好好味，海鮮凍飲，犯齊孕婦大忌。
大肚婆愛榴槤
返到香港無屋住，羅嘉良夫婦租酒店暫住，個肚籮咁大的蘇岩卻坐唔定，日日要老公陪 shopping。
上週五傍晚（三月二十二日），兩公婆在尖沙咀海港城買到一袋二袋，到商場內的 Rice Paper食完越南菜，蘇岩仲拉住老公到 City'super繼續行，又對生果部的榴槤表現得甚有興趣，淨睇生果都半個鐘，晚上九時，大肚蘇岩開始不停打呵欠，兩公婆才搭的士返酒店。
週日（二十四日）晚，羅嘉良和蘇岩再出動，到西貢碼頭食海鮮，事後蘇岩還在微博自爆飲了杯冰凍奶茶
解渴。
巨肚搭飛機、食榴槤、飲凍嘢唔戒口，蘇岩百無禁忌。
犯忌
羅嘉良老婆八個月肚仲搭飛機！據家庭醫生關嘉美表示：「大肚婆懷孕 32週至 36週都仲可以搭飛機， 36週之後應盡量避免，因孕婦隨時作動，喺飛機度生就好麻煩。不過若航空公司俾得佢上機，應該冇問題。」
至於飲凍嘢食榴槤，關醫生表示：「喺西醫角度，八個月其實已經好穩陣，食咩都得，但中國人傳統，都唔建議孕婦食啲奇怪嘅生果，而且榴槤糖分高唔係咁好。生冷嘢更加盡量避免，因為凍嘢容易有細菌同病菌，一旦媽咪腸胃不適，會影響 BB，又要食藥就唔好。」
撰文、攝影：娛樂組
留言列表
