close
陳豪唔想同女友合照眼神唔一致,手口並用,一齊由右至左望鏡頭。
同你吟一吟
陳豪難甩陳茵媺
上星期四(二十一日),陳豪同豪嫂陳茵媺再次拍拖更搵銀,一齊上深圳做時裝活動嘉賓。
當日,大會安排咗半隻腳踩咗入荷李活嘅內地阿姐范冰冰行壓軸,點知因為工作人員溝通有誤,早咗叫范冰冰落車出場,結果豪嫂一聲唔該,變咗活動壓軸嘉賓。
俾陳茵媺攝咗位,范冰冰當然唔多 happy,平時對傳媒好客氣,有求必應嘅佢,連訪問都唔做就閃咗入場。
無端端執支好籌!豪嫂仲有筍男陳豪全程呵住,兩個攬住任影,一齊由右至左望鏡,免得眼神唔一致。影完相,陳豪依然唔捨得放手,就算豪嫂走開咗,佢都急步跟上前,要攬番住女友條腰行。
據報范冰冰識陳豪,但唔知陳茵媺係邊個,甚至連名都冇聽過。唔出奇喎!等如香港唔係咁多人搞得清楚邊個係范冰冰李冰冰,一樣啫!
陳茵媺跟經理人行入場,陳豪馬上跟上前要攬番住女友,大家睇吓,佢隻手冇放低過㗎。
只要一講陳茵媺,陳豪十次十次都係笑到咁,同記者做訪問,隻手仲係摸住女友。
全站熱搜
留言列表