採訪當日，寵物巴士上下層坐滿主人及貓狗，場面十分熱鬧。

Petbook

寵物巴士首航　近百貓狗遊數碼港

2013年01月09日 ~~ 第1094期 交易通．搵車快線

帶 着愛寵到處遊玩，是不少寵物主人的心願，可惜香港的公共交通工具不允許動物上車，要帶愛寵出遊談何容易？
幸好於 2012年的 12月首班寵物巴士起航，它將於 2013年內，全年免費接載寵物主人及愛寵到全港各地遊玩。首班巴士已載 着 150位主人及近百隻寵物到數碼港海濱公園，讓愛犬愛貓於大草地上奔馳，場面熱鬧。

採訪當日，早上 10時，即使只得 10度低溫，仍不減近百位寵物主人的熱情，他們帶 着愛犬愛貓準時抵達新蒲崗的 Mikiki商場，「巴士 嚟啦，嘩，係露天巴士呀！」看到掛 着大大幅 banner，寫 着 Kakato「卡格」的雙層寵物巴士到達時，大家不禁興奮起來，爭相拍照，原來 Mikiki商場門口，是這次寵物巴士的頭站。
今次寵物巴士首航， Miki特地帶 着狗狗飯團來參加，「香港之前冇呢類服務，帶飯團出街只好坐的士，𠵱家有 咗寵物巴士會方便好多，可以帶飯團去遠 啲地方玩。」
大家上車後，巴士再駛往何文田太平道及尖沙咀 Sogo門口，接載其他主人及寵物，經過 3個上車站後，巴士已坐滿了 150位主人及近百隻寵物，最後便前往目的地數碼港海濱公園。
到埗後，狗仔貓仔在大草地興奮地跑來跑去，非常熱鬧。余太大讚服務夠體貼，可以同時帶貓貓糖糖及狗狗 BoBo出街玩，「我同囡囡好少同時帶糖糖同 BoBo一齊出街，𠵱家搭一程巴士去到目的地，可以方便照顧佢 哋。」




今次寵物巴士首航，頭站設在新蒲崗的 Mikiki商場，途經何文田太平道及尖沙咀 Sogo門口，再到總站數碼港，參加者可揀選在不同地點上車。

港九設置分站

同行的舉辦機構萬士博（亞洲）有限公司副營業經理 Eric甫一到 埗，便又急急腳跟 着巴士離開，出發接載第二批乘客，「我 哋 12點幾仲有第二班車，頭先係九龍區，今次就係港島路線，上車地點係鯉景灣及大坑，希望方便到唔同區 嘅人。」
Eric指由 2013年起的 1年之內，巴士每個月至少會行駛 2日，每日會有 2個班次，「頭幾次會試吓去唔同地點，盡量畀唔同地區人士參加，同埋睇吓邊 啲地點適合咁多人一齊玩，好似 1月 6號會去錦田鄉村俱樂部，畀多 啲新界區市民參加，試行幾次後，會固定一 啲地點，每季先再轉換。」


來到終點數碼港公園，狗仔可以在大草地上奔跑，非常開心。


每位狗主上車，都會獲派一個安全扣，讓主人繫好狗繩以策安全。

免費服務招徠

寵物巴士服務由萬士博公司推出，總經理方心如博士表示：「我 哋公司做開寵物食品及用品，覺得衣食住行對寵物都好重要，但主人要帶寵物去玩，好多時都要坐的士同租貨車，好唔方便又貴，所以構思呢個寵物巴士服務，為大家免費服務。」
雖然寵物巴士每次行駛都要花不少人力物力，好像每日租車費用達 5位數字，又要員工安排行程及帶乘客上車等，但大家都覺得好有意義。「我 哋好多員工都有養寵物，沿途可以同其他寵物主人交流吓心得，而且可以幫到大家，都覺得好開心，我 哋歡迎大家帶各類香港法例容許飼養 嘅寵物一齊上車玩 㗎！」


Miki
狗狗飯團
我第一次 嚟數碼港，估唔到環境咁靚，個草地好大，唔係有寵物巴士，真係冇機會帶狗仔 嚟到咁遠地方玩。


高先生
尖東忌廉哥
覺得個活動好有意義，又幾得意，而且都想帶吓忌廉出 嚟見吓世面，雖然佢見到 啲狗仔有少少驚，但係一個唔錯 嘅體驗。


余太及女兒
貓貓糖糖
狗狗 BoBo
今次係第一次狗仔同貓仔可以一齊去街，今次路線安排好好，有幾個站畀人上車，真係好方便。

點參加？

萬事博公司的總經理方心如博士表示， 2013年內會定期推出寵物巴士服務，方便主人。

萬士博的 facebook會刊登每次寵物巴士的行駛路線，想參加只要在其 facebook上載一張寵物進食 Kakato「卡格」寵物食品的照片，然後填寫乘車人數（最多 2人）、寵物數目（最多 2隻）、寵物體重、選擇路線及上車點，若參加人數太多，便會進行抽籤。
參加者必須為寵物主人，寵物亦已注射疫苗，犬隻必須注射狂犬病疫苗及植入晶片，而所有寵物如不放在袋或籠內，於乘車期間必須繫上椅背的安全扣。為避免寵物暈車浪，乘車前 4至 6小時不要讓牠們大量進食，為保持車廂清潔，當寵物便溺後應馬上清潔乾淨。
網址： http://www.facebook.com/pages/MaxiPro-Asia/161744333857986 

撰文：洪芳俠
攝影：黃家活