close
泫雅出名鍾意扭籮，上週六（ 5日）喺 AIA K-pop騷表演時，雖然包到實，連腿都唔露，但不斷扭籮又趷籮，一樣迷死香港 fans。
FBI
泫雅趷籮自摷
韓流吹唔完，聖誕節 2PM襲澳門，新年輪到新女團 A Pink、舞男團 BEAST同索女組合 4MINUTE。上週六（ 5日）大軍殺入香港亞洲博覽館，開完記招，再踩上台開 K-pop演唱會，同港迷 high爆賀新年。
3隊組合，當然以 4MINUTE最有睇頭， 5個索女唔只勁唱飲歌〈 Volume Up〉同〈 Muzik〉等跳舞歌，而上年有份同 PSY合唱〈江南 Style〉嘅泫雅，仲勁扭腰、趷籮兼自摸大跳辣身舞，將全場氣氛推到頂點。
但由於泫雅動作太大，同觀眾打招呼時，不時當眾抽褲而且伸手入衫內整理 bra帶，擺明唔露都要畀啲遐想港迷喎。
泫雅由於扭得太勁，搞到內衣走位，就算隊友同觀眾傾偈時，泫雅亦忍唔住伸手入衫內調整 bra帶，冇乜儀態。
演唱會當日（ 5日），正係 BEAST成員耀燮（左一）生日，但佢喺記招就呻話冇隊員同佢慶祝，之後佢個好兄弟斗俊（右一）就安慰佢，跟住更孭耀燮影合照，感情超好。
全站熱搜
留言列表
