close
2013過 咗幾日，敏之已經 攰到呆晒，成年流流長好難捱喎！
Web Spy
陳敏之殘爆腿后
呢期晚晚睇《法網狙擊》，見到長腿敏之做女警同森美鬥氣，明明扮警察冇乜機會露，偏偏敏之喺劇中要放蛇扮雞，又着晒泳衣同貼身白背心鬼咁 sexy，搶晒女主角楊怡鏡喎！
有得繼「索腿天后」之後爆出，敏之都好緊張套劇，頻頻喺 Instagram鋪劇照谷劇，仲特登搵張叮噹長腳相同自己對長腿送畀粉絲，好識做！不過唔知係咪忙住拍新劇《法網囂雄》（講明先，唔係續集嚟㗎！），敏之個樣捱到殘晒，鼻同嘴望落仲好似歪歪哋添！其實敏之身體一向唔多好，千祈咪掛住搏殺搞到周身病呀！
敏之將自己條腿同叮噹條長腿擺上網，有口痕友竟然留言話係傳有戀足癖嘅森美至愛，超抵死！
呢張相有肌男有泳裝敏之夠晒賣點，偏偏最搶 嘅竟然係表情動作同服裝都 cute到爆 嘅巴斯光年鄧梓峰，正爆！
全站熱搜
留言列表
