應采兒有咗 3個月
自從布吉回港,應采兒覺得世事無常,無論用咩方法,都要盡快生 B,今次終於俾佢求子成功。
真面目
高齡爸爸 高人教捐錢求子 45歲陳小春做老豆
結婚近 3年,陳小春同應采兒講到出口想生 B, 11年,小春更戒煙戒酒養身造人,可惜一直未成功。
兩公婆求子心切,去年應采兒更話:「要減少接戲,想造人。」據知亦得到一位台灣高人教路,提議兩公婆行善積福捐錢做善事,可望一年內得子。結果應采兒在內地發起藝人二手衫拍賣,又嘗試齋戒積福。兩人去年底終於造人成功, 45歲小春做老豆喇!
元旦當日,小春在微博上載一張圓蛋圖,更用軟尺量度大小,網民即時議論,估應采兒有咗 BB。直到上週六( 5日),小春更將微博個人照換為一張大人和 BB的手相,令應采兒懷孕消息更似層層。知情人士說︰「上年 7月,佢哋同 Yumiko喺布吉旅行, Yumiko出 咗事之後,丁丁(應暱稱)已經決定要快 啲生,唔可以再等!覺得世事無常。」
小春將微博個人照轉咗幅大人和 BB手相,唔通想宣布做老豆?平時對記者惡形惡相的小春,難得溫柔喎!
扮超聲波圖
小春一向口密,但都忍唔住在微博透露玄機,除了小孩手仔之外,圓蛋圖案令人聯想到佢量度 BB喺照超聲波時嘅 size,連網友都催小春快 啲報喜。
帶頭行善
返到香港,應采兒即刻搭朋友幫手搵高人指點。知情人士說︰「小春兩公婆都係大細路,但丁丁今次好認真,返 咗老家台灣打聽,聽講當地有位高人叫佢哋要做多 啲善事,最好就梗係捐錢啦,咁 啱佢哋 喺布吉返 嚟,就有個大陸慈善機構搵佢哋捐衫,丁丁就自告奮勇搞咗個「愛星衣社」,叫埋明星好友幫手捐衫,又出錢、又出力。」
去年 10月
最後公開露面
最後一次在香港露面,係上年 10月初, Yumiko男友的化妝店開張,當晚應采兒早走兼冇飲酒,之後就只在自己微博晒行蹤,但都係得大頭相。
10/12唔見老婆
平時同老婆糖黐豆的小春,單拖到圓方剪頭髮,之後就急急返康樂園陪老婆。
匿家安胎
自從去年 10月初,應采兒出席 Yumiko(鄭希怡)男友 Andy的 D-mop化妝店開幕後就玩失蹤,活動當日應采兒亦表示︰「一早計劃好減少接戲,想造人和輕鬆一點。」
之後 10月萬聖節派對,應采兒曾懷疑自己有餡:「有朋友問采兒係咪有咗,采兒就話『唔知係咪呢!』」去年尾應采兒媽媽在台灣龍山寺還神,仲講明幫個女同女婿祈福,據知𠵱家應采兒剛剛懷孕 3個月。
本刊曾致電應采兒,但一直未有接聽,而她的經理人就表示︰「我哋未收到通知,等我了解吓先。」中年得子的小春就心急在微博晒又度 size、又晒 BB手掌,蛇 B未出世,父愛先泛濫。
善有善 B
1.慈善義賣
老公小春亦有捐出衫義賣,婦唱夫隨。
去年尾才成立嘅「愛星衣社」,港星方面有小春夫婦和鄭希怡,亦有幾位國內明星力撐。
捐畀玉樹
2.齋戒積德
3.寺廟祈福
去年 12月,應采兒父親在微博上載丁媽去寺廟為女兒祈福的相片。
高齡星爸
近年娛樂圈多喜事,大部分都是高齡星爸,最強是 51歲的劉德華,果然有心有力。
51歲劉德華
《蘋果日報》圖片
48歲蔡一智
48歲黃貫中
《蘋果日報》圖片
47歲錢嘉樂
留言列表