攝影師 Lonal
搞手 Zyrus
成個活動由下午 1點半至 8點半，為了影一張靚寶麗來，班理大攝影學會學生，除了出動價值 6,000元、 69年出產的 Mamiya Universal Press古董寶麗來相機外，連攝影距離同位置都有考究， Zyrus說：「我哋專登唔喺西洋菜南街擺，改喺豉油街 Chicの堡出面，嗰度少啲人易啲就距離。」

Main Camp

MK排晒隊　理大仔即拍’ 13願望

2013年01月09日 ~~ 第294期 Face

現在數碼相機流行，人人拿住部電話或者數碼相機即影即 upload，想懷舊偏色爆光乜效果都做到。
偏偏有班理大攝影學會學生鍾情寶麗來即影即有的真實感覺，更為了推廣寶麗來，除夕夜於旺角街頭免費為市民影低新年願望，出錢又出力，搞手 Zyrus（李鎵裕）話：「我哋只係想多啲人記得寶麗來，唔想佢成為歷史陳跡。」




用舊式相機同相紙影的寶麗來， Zyrus話特別有真實感。


又要用板寫低新年願望、又要等寶麗來現影像，所以每人平均要等 15分鐘先影到，高峰期有近 30人排隊等影。


市民新年願望多搞鬼，有人話坐時光機返去 2012， Zyrus說：「其實啲願望都預咗行，不過間中有啲新意思都幾好笑。」


就讀城大創意媒體系的 Michael同是寶麗來即影即有愛好者，不過 Michael幾乎日日都在西洋菜南街擺檔，每張收 20蚊，影到冇停手！《壹週刊》圖片

U仔'13想點？

理大仔幫人影寶麗來記低新年願望，其實一班 U界代表都對新一年各有目標，有幾多目標可以實現，大家不妨拭目以待。

想去韓國　要搵大錢

2012 UStar校花冠軍
羅堃尉 Karen
2012 UStar校草冠軍
鍾名山 Alfred

就讀城大專業學院韓文系的 Karen最想 2013年韓文講到嘞嘞聲，「韓文講得好 GPA都高啲，成績都好啲啦！」而讀公大的 Alfred則期待有更多的工作機會，希望可以豬籠入水！ 

我要爆紅

網絡紅人 Auman
中大法律系 Yr.1

憑住「遲到是常識吧！」一片爆紅的 Auman今年想衝出室外，「之前拍啲片都喺屋企或者 Hall拍，今年想突破吓拍條走過香港大地嘅片，講吓迫港鐵、屏風樓、娛樂吓大家！」 

狼英下台

學聯秘書長李成康
中大政政碩士
學聯常委陳樹暉
嶺大哲學系
學聯常委楊政賢
中大政政

學聯秘書長李成康亦說元旦日遊行只是第一步，「 13年希望喺大專界搞個公投運動，希望透過一人一票，迫使梁振英下台。」 

重奪冠軍

理大划艇隊代表
Carl

上完 TVB遊戲節目《決戰一分鐘》的理大划艇隊就認定攞總冠軍為今年目標， UStar 20強 Carl話：「當年理大其他運動都攞總冠軍，但係划艇隊就輸咗，有啲好耐冇返嚟嘅師兄都返嚟幫手訓練，希望今年重奪總冠軍。」 

衝擊第一

城大 Danso主席
Sharon
城大 Danso成員
阿羊

往年城大 Danso的成績平平，難得上年得第 3，主席 Sharon都話要食住個勢， Sharon話：「為咗達成目標，我哋已經加強訓練，一星期練足 5日，每日跳 4至 5個鐘，總之我哋要爭氣， 2013要贏第 1。」 

要減 10磅　作 100首歌

理大音樂達人
阿輝

擅長結他兼作曲，經常於 Hall內開班授徒，新一年阿輝話要努力作 100首歌，而他女友阿琳則要繼續減肥喎！ 

雖然現時新類型即影即有如 Fujifilm等都有不少捧場客，但 Zyrus覺得寶麗來才夠原汁原味：「新嗰啲即影相機可以加其他效果，又可以加鏡頭，已經失去咗寶麗來嗰種味道，舊式寶麗來要影完出嚟先知效果，比較有驚喜。」

6小時派完

為興趣， Zyrus同一班同學在除夕夜在旺角街頭擺檔，要市民先用白板寫下新年願望，再幫市民影寶麗來派街坊，結果整個活動用了 6小時，預備的 400張寶麗來相片便全數影完。
「我哋預備 400張菲林，雖然一張成本要 10蚊，但如果畀多啲人知寶麗來有幾正，多多錢都值得啦！想佢哋寫低新年願望，係想大家記得大家許過乜願，到年底就攞出嚟睇，睇吓究竟實唔實現到，其實呢個活動係 3年前由師兄喺網上睇到啲寶麗來愛好者嘅推廣活動而發起嘅，我哋覺得幾有意思，所以已經連續搞咗兩年。」 

採訪、撰文：校園組
攝影：何榮亮