Kenny和 Candy在中學時已經常常留連 cafe，大學時成日一齊煮飯仔研究食譜，今日可以一齊實現夢想開 cafe，真令人羨慕。「我哋多咗好多話題，但同樣亦會為 cafe瑣碎事各有意見，不過都令彼此關係更密切，更了解對方。」

創業通

台式優閒 cafe　登陸大圍

2013年01月09日 ~~ 第1094期交易通．搵車快線

近年台灣流行慢活 style，都市人放慢腳步，享受悠閒生活。熱愛台灣文化的 Candy和 Kenny，將這股風氣帶到香港，在大圍開設具台灣悠閒特色的屋子咖啡，裝潢陳設以至食品，令客人如置身於台灣 cafe一樣，吸引不少客人慕名而來，現時月賺約 3萬。

當踏入位於大圍的屋子咖啡，啡色枱凳配吊燈及白色牆身，感覺像置身台北的型格 cafe內，台灣 cafe流行的日式熟食這裏也可嘗到，包括具日式家庭味道的豚角煮定食、梅子飯糰、鮭魚茶漬飯等。
甜品外形亦十分精緻同美味，如燕麥榛子梳乎厘及旋轉木馬十分受客人歡迎，老闆 Candy說：「旋轉木馬係我哋為咗冬天研究出嚟，以 Macaron做面餅，中間夾士多啤梨，最底層係窩夫，我哋不時會推出新菜色嚟保持新鮮感，吸引客人。」由於位於住宅區，定價十分大眾化，飯麵等定食都是四、五十元，甜品賣$25至$50，所以很快便成為區內的人氣食肆。
同是 26歲的老闆 Candy與 Kenny夫婦都是哈台一族，兩人 08年在加拿大讀完書後，經常去台灣旅遊，深受台灣 cafe文化的影響，希望在港開一間台式 cafe。 10年， Kenny甚至在台灣逗留了半年，在當地 cafe打工取經，回港後 2人邊打工邊儲錢創業。「我哋兩個都係做會計，一有時間就會研究菜式，放假不時會到台灣周圍搵 cafe hea，見有啱嘅菜色，都會影低，返香港買材料嚟試煮。」

為了營造悠閒及舒適感， cafe內只有 16個座位，沒有擠迫感覺。

cafe位於大圍舊區內，這裏環境不太密集，望出開揚。營業時間為中午 12時至凌晨 12時。「 Cafe對出有唔少表位，方便泊車。」

大圍具備悠閒環境

為了配合台灣的慢活風格，他們最初想在港島的蘇豪區或大坑創業，「中環、上環蘇豪區一帶嘅創租金太貴，大坑又太多 cafe；我哋住馬鞍山，有時會揸車去大圍食飯，覺得大圍嘅大廈密度唔高，居住環境好悠閒，好適合開台式 cafe，隔籬係工業區，除咗街坊外，仲有一班 office客，所以決定喺大圍搵鋪。」
當初地產經紀紀在大街找到鋪位，但遭他們拒絕，「大街嘅租金貴成 1倍外，我哋想間 cafe望出去唔係密密麻麻嘅高樓大廈，而係矮矮嘅平房，所以揀咗只有唐樓嘅積信街開鋪。」 12年初，他們一同辭工籌備，到 8月花了約 80萬在大圍開業。
要貫徹台灣 cafe特色，屋子咖啡在裝潢及擺位上花了不少思，這裏佔地約 1千平方呎， 1/4是廚房， 1/4是展出香港及台灣手作人作品的貨品區，其餘地方是餐飲區，但只有 16個座位。
Candy說：「雖然夠地方擺多幾個座位，但我哋想有更多空間，畀到客人舒服及悠閒嘅感覺；台灣好多 cafe都係一半展示貨品、一半做餐飲，我哋想將呢個特色搬埋嚟香港。」現時貨品區生意只佔 1成，其餘全來自餐飲生意。

旋轉木馬窩夫$48
冬季新作，上層是 Macaron及朱古力，中間夾有士多啤梨及奶油，最底層是窩夫，是老闆和大廚一齊研究出來的！最初下層也是用 Macaron，但口感不及現在改良版。

燕麥榛子梳乎厘配香草雪糕球$35
健康又有咬口，餐後食，滿足非常。

豚角煮定食$53
用五花腩煮成，入口即溶又甘香。

屋子咖啡$30
鎮店咖啡，以雪糕代替糖漿及牛奶。

座位少營造舒適感

我住沙田，成日都會去大圍食飯，覺得屋子咖啡網修好靚又舒服，甜品好好食，價錢唔貴，喺區內好突出，所以成日嚟幫襯。

座位少除了減少收入，亦常令客人埋怨等位等得太久，就連他們的父母也問為何不多放幾張枱。「試過俾客投訴話入面啲客齋坐等人，令佢哋要等好耐，唔公平，𠵱家晚飯繁忙時間，我哋要求客到齊人先可以畀位。之前聖誕節為咗預計客人數，我哋推出聖誕餐，仿傚酒店餐廳分 2段時間入座，早場 6點半，第二場 8點半，客人同我哋有預算，安排會好好多。」

現只靠 facebook做宣傳及偶有飲食雜誌介紹，但屋子咖啡一開已反應不俗。「開業初時，我哋 target年輕夫婦客及 office客，因為區內多咗好多中產屋苑及豪宅，結果連學生、老人家、有小朋友嘅家庭客都有好多。午市多人之餘， 6點後人客車輪轉，可以做到 3轉生意，好多人等位。」

Candy及 Kenny凡事親力親為，從廚房至樓面樣樣都做。

他們去台灣必定到訪當地 cafe，這是 Candy至愛 cafe ancre，位於台灣淡水區中正路。

最初不懂預入貨量

Kenny和 Candy都不是做廚出身，所以沒有太多入貨經驗，多是上網找食物批發商入貨，「最初我哋成日預錯食物分量，每日要掉好多菜同牛奶，用咗成 2個月去摸索；雖然我哋識得煮，但開店冇幾耐請咗個廚幫手，大家都係 80後，有商有量，一齊研究菜式。」
本因喜愛台灣的慢活悠閒氛圍，才決定在港開台式 cafe，但做了老闆後反而令 2人沒有時間到台灣旅遊，「我哋發現做老闆比打工辛苦好多，我同 Kenny喺餐廳個個崗位都做過，𠵱家請人好難，一有人唔做，我哋就要頂上，有個好處就係唔使擔心邊個唔做會影響到個運作。𠵱家最希望 cafe快啲上軌道，業主又唔會狂加租啦！」

創業投資

租金（ 2按 1上）： 150,000
入貨：$50,000
雜費（裝修、申請牌費等）：$600,000
總投資：約$800,000

每月收支

租金：$50,000
入貨：$30,000
人工（ 2老闆、 3全職、 3兼職）：$70,000
雜費：$1,000
營業額：$180,000
盈利：$29,000

屋子咖啡
地址：大圍積信街 31-51號安信樓地下 P鋪
電話： 2677 3218

招手作人來寄賣

屋子咖啡仿傚台灣 cafe，將店內 1/4位置闢作貨品區，專賣本地及台灣手作人的作品，成為 cafe的一大特色。 Candy說：「我哋之前喺網上識得一個台灣手作人，之後佢介紹其他手作人畀我哋，𠵱家我哋會 keep住一年去幾次台灣，再聯絡佢哋攞貨。」另外，他們透過位於石硤尾的賽馬會創意藝術中心找本地手作人，「手作人嚟寄賣貨品，每賣出一件就七（手作人）三分賬。」

出自本地手作人，小皮革錢包$250

ooh La La筆袋$89

iamkamty的手繪太陽眼鏡$120。

台灣 yinke布袋$124

賽馬會創意藝術中心 http://www.jccac.org.hk