close
今年 8月已喺大坑開龍鳳冰室嘅林子善（下圖），最近仲話踩入灣仔開多間分店。為慳皮，由裝修到掃地都係一腳踢，慳番唔少開支。
FBI
林子善本週開分店
林子善埋咗無綫堆劇接劇，前途光明晒，年仲自己搞生意，同導演好友鄧東明合資過百萬喺大坑開茶餐廳撈多瓣。
死好命林子善呢頭開鋪，嗰頭 FBI就發現佢喺灣仔春園街又睇啱鋪位，打算喺今個星期三開間分店 keep住個勢。上週六（ 5日） FBI落去探子善，見佢落手落腳咁為新店張羅，連掃地都自己嚟。子善仲話𠵱家拍劇之餘亦有自己生意好有滿足感，不過由於放晒啲錢喺生意度，又喺屯門買咗樓畀屋企人，同拍拖 1年嘅圈外女友結婚就要再等吓喇。 
全站熱搜
留言列表
