燒鴨髀撈麵$40

Missing Out

卜卜脆皮鴨

2013年01月09日 ~~ 第294期 Face

當西環山道波記在 2011年結業時，不少老饕食客都為之神傷，幸而食店終在原址附近重開，至今又差不多 2年。

互動片段

食住讚



在半夜三更都可以食到新鮮出爐燒鴨，只有西環波記，燒鴨腿大大隻，好吃程度簡直不需要多講！

跟舊店一樣，冇查詢電話、冇營業時間，波記一如以往：神秘、隨性，不過老闆吳先生做燒鴨，就一點不隨便，先要在其尾部「入籠」，即放入豉油醬及柱侯醬等醬料，然後在鴨身表面塗上以麥芽糖、玫瑰露及醋調配而成的皮水，再待其在乾燥的環境內自行風乾，為時長達 6至 7小時，意味整一隻燒鴨，事前大半天就需要做好準備，以店鋪約正午 12點開門來計，最少可日賣 20隻。
由於風乾程度會直接影響鴨皮鬆脆與否，吳先生會確保鴨身完全風乾，才放入爐內去燒。
提提大家，雖然 Michael喜歡食鴨腿做宵夜，但係店鋪賣完當日燒鴨，就會關門，為免食閉門羮，晚市 7點去就最穩陣！ 




波記燒臘粉麵店
地址：西環皇后大道西 425號 P鋪地下 

何謂 missing out?

《 FACE》飲食版監修人少年食神 Michael

本地有不少舊菜式被封箱，絕跡的原因可能是製作繁複、老師傅年華老去等等。
不過只要你飲食經驗豐富，用心搜索，總有漏網之魚在附近。
每期少年食神 Michael發掘滄海遺珠，把舊時的食物連帶回憶重現眼前。 

撰文：梁智欣
攝影：顏青瑋