close
唔做娛樂圈， BoBo都仲 keep住靚樣，唔少途人都仲認得佢。
FBI
陳文媛仲未嫁得
淡出娛樂圈之後，陳文媛專心打理指甲生意，仲愈來愈省鏡。上個月 29號， FBI喺銅鑼灣時代廣場見到 BoBo，雖然冇做呢行，但 BoBo對鏡頭仍然好敏感，一見 FBI影佢就行快幾步入𨋢走人。
當日男友金紫耀冇同行，之前有傳佢同拍拖 7年男友分手， FBI仲聽聞金生曾經帶過一個長髮少女返舊公司添。不過，上年年尾， FBI都發現放工時間，金紫耀都係坐住保母車專登去北角 BoBo嘅美甲店，接 BoBo收工再車佢返北角寶馬山嘅同居愛巢，順順利利踏入 2013，希望 BoBo今年有好消息啦！
BoBo仍未知幾時嫁入金家，但佢嘅舊愛 Edison就同台灣新歡 Ann成日晒恩愛， FBI仲聽聞 Edison已經求咗婚。
金紫耀（小圖）接咗 BoBo後，就同佢一齊坐保母車返寶馬山同居竇，雖然仲未嫁入豪門，但 BoBo同男友多年來感情好好，而且金紫耀曾經講過︰「遲早都要結」，希望真係可以快 啲啦！
全站熱搜
留言列表
