close
全智賢 喺新片《盜賊們》內賣性感扮女賊，果然吸引到觀眾入場，片房大收。
CIA
全智賢感謝煮
韓國美女全智賢 嘅老公崔俊赫似乎幾旺老婆，事關二人 喺 4月結婚，事隔 4個月，就 31歲嘅全智賢 孭飛新片《盜賊們》一上畫就大收， 喺韓國開畫 20日已衝破 9百萬入場人次，成票房 No.1。
老公旺老婆，全智賢亦識做服侍老公。最近佢接受韓國 KBS電視台訪問，話媽咪由於係烹飪高手，所以佢 嘅烹飪技術都唔錯，一有時間都會親自落廚煮番幾味畀老公食。主持人仲問佢乜嘢時候先自覺係真正人妻，全智賢笑笑口話：「考慮晚飯要做甚麼的時候，還有考慮怎樣處理剩菜剩飯的時候。」諗得咁細緻，睇 嚟全智賢都應該係個好老婆 嘅。
今年 4月同韓國金融才俊崔俊赫結婚，全智賢話婚後佢都會照顧老公飲食，但早餐就通常畀杯果汁老公飲就搞掂，懶 咗 啲喎！網上圖片
全智賢 喺新片內有唔少性感及親熱場面，佢話老公都有 啲睇唔過眼，呷醋咁話。
身高 5呎 7吋半 嘅全智賢 着起呢套全黑賊裝分外有型，戲內有唔少動作場面，可算係全智賢近年拍 嘅電影以來最大突破。
《盜賊們》仲有任達華飾演 嘅中國盜賊，佢話參演原因係因為想同《藍色生死戀》實力派女星金海淑談情。
全站熱搜
留言列表
