close
FBI
丁子高唔敢露肉
一向貪靚 嘅丁子高，最近被邀拍護膚品廣告，仲聯同 2位「飛虎」王浩信、梁烈唯出席活動，日日 喺屋企湊仔煲劇 嘅千嬅，原來都係《飛虎》迷，仲 喺微博度搞笑話老公曾幾何時都拍過《飛虎》喎，順便幫手賣吓廣告。
身形 fit就 fit喇，不過王浩信嘅手臂就有奇怪疤痕，唔會係被乖女抓親呀？
大會要求王浩信同唯唯騷肌，兩位型男近排操得咁 fit，當然唔介意，但最近肥咗少少嘅丁子高就着晒長袖衫，死都唔肯晒肌肉，做咗人老豆即刻要收埋喎。 
千嬅喺微博話丁子高拍過《飛虎》，但 FBI check過佢喺 03年拍過《飛虎雄師之劫金風暴》，但就只係喺片中做 O記探員，冇做飛虎隊。 
全站熱搜
留言列表
