close
等入門
山聰同超雲 𠵱家身在英國度假，仲 喺街頭玩自拍相當寫意。之前有報道指佢 哋會 喺年尾拉埋天窗，但 FBI聽聞係流料，二人今年之內都唔會結婚。爭遲早啫！
FBI
《天梯》急 call 陳山聰玩失蹤
由陳豪、陳茵媺同張可頤 孭飛 嘅重頭劇《天梯》即將 喺 9月 17號啟播。距離剩番唔夠 1個月時間， TVB已積極部署宣傳，仲搵定班有份參演 嘅阿哥阿姐度期。
FBI聽二五爆料，話要搵陳豪同陳茵媺、黃德斌呢 啲合約藝員出馬當然冇問題，但張可頤已經離巢，所以 TVB都冇預佢。至於戲分有番咁上下 嘅陳山聰，自從上年拍完《天梯》後就幾乎乜 job都唔接，正職陪賭王女何超雲遊山玩水，以及為佢 嘅時裝生意作準備。雖然佢同無綫仲有 3年合約，但之前雙方有共識決定無限期凍結，凍結還凍結， TVB都想佢出嚟宣傳吓，但何家準女婿竟然連電話都唔聽又唔覆囉！其實班高層都知道佢掛住同超雲拍拖，等入豪門唔想 do，所以都冇再搵佢，宣傳索性唔預佢。
山聰 喺《天梯》飾演中藥批發商，老婆係高海寧。聽講上年拍劇期間佢已經自覺上岸囂爆，與同劇演員零交流。
陳豪同陳茵媺將以情侶檔宣傳《天》劇，但張可頤就因為已經離開 TVB，所以唔會現身。
賭王上星期因感冒入院，各房仔女都有到養和醫院探望。但超雲由於身在英國度假所以冇影，細妹超蓮惟有做三房代表。《蘋果日報》圖片
全站熱搜
留言列表
