20/8掛住補妝
Sammi醫好耳水不平衡，狀態大勇拍攝新片，她趁空檔仍掛住補妝，據知今次她希望《盲探》為自己爭番啖氣，唔使做票房毒藥。
女人四十
中西合璧 醫好耳水不平衡 劉華焗等復工 Sammi
05年， Sammi鄭秀文拍《長恨歌》時，因患腮腺炎阻慢了拍攝進度，更患上抑鬱症；雖然 2年後復出，但 Sammi只拍了 2套電影，而且票房不復當年勇。
今年她再接《龍鳳鬥》票房鐵三角，杜琪峯導演、劉德華主演的《盲探》，希望打破宿命再翻身。拍攝 1個月， Sammi發現耳水不平衡，向恩師杜琪峯要求停工，連累又要湊女、又要拍戲的劉華，足足焗等 2個月。週一（ 20日），剛過 40歲生日的 Sammi復工，為新戲趕在婚前埋尾。
剛過去的週日（ 19日），是 Sammi 40歲生日，她上週再向劇組請假兩日，同安仔共度甜蜜 24小時。難怪本週一（ 20日）， Sammi為《盲探》復工拍攝時，風騷入骨。
劇情講述華仔是失明退休警員，全程由 Sammi做司機，扮盲的華仔冇戴黑超或手持任何導盲工具，造型看來同一般人無異。當日劇情需要，華仔更要狂啃麵包。
成日見暈
家人慶生
上週六明知許志安不在港， Sammi家姐和姐夫專程送上驚喜，唔使 Sammi孤伶伶過生日。
粉 cake冧女
週日正日有神秘人送上粉紅色蛋糕， Sammi只上載一張蛋糕相上微博，唔使估！實係趕回港的安仔送啦！
又攬又花
除了安仔，本週一杜琪峯和劉華亦在片場幫 Sammi慶祝，仲有花收添！
瘦骨 Mi
6月初閉關休息 2個月後， Sammi正式投入拍攝，日日跑步 嘅佢瘦 咗成個圈，好有骨感，穿上小背心露胸骨。
15/8蒙面返閨
上週三首天復工拍攝《盲》片， Sammi拍 咗半日就收工，先返自己住 嘅渣甸山松園，再返大寶閣同父母食飯；離開時， Sammi在車上突然用條毛巾笠住自己，古古怪怪。
濕疹斷尾
Sammi周身傷患，復工拍《盲》前，專程去診所為頸背舊患做物理治療。
據知， Sammi一向有偏食習慣，加上票房壓力，令身體多次出現毛病，尤其是拍《長恨歌》之後，除了患腮腺炎外，更患上濕疹，足足靠中醫治療 2年才康復，今次身邊好友紛紛介紹醫生，在中西醫兼治下， Sammi才可在短時間內穩定耳水不平衡。知情人士說︰「上次 Sammi生濕疹，全靠車婉婉媽咪煲龜板畀佢飲先斷尾，但今次除 咗中醫，好多朋友都介紹醫生畀佢，除 咗唔想影響套戲進度，當然係想結婚前搞掂好身體啦！」
本月 19日是 Sammi 40歲生日，她一早已向劇組請假 2日，但男友安仔 18日在杭州有登台騷，雖然只唱 3首歌，但就有 15萬歌酬，未來老婆 Sammi當然肯放人；不過，安仔亦好識做，完騷就即刻返港，趕及 19日正日會合 Sammi， Sammi亦在微博上載一張粉紅色蛋糕的照片，鬼咁 sweet。共度 24小時後， Sammi於本週一復工，雖然劉華為了 Sammi的耳水不平衡焗等她 2個月之久，但當日劉華亦專業十足，更鬼馬地與杜琪峯用西餅砌了一個「 Mi」字。有 3個男人慶生， Sammi終於唔使 dry爆。
過唔到千萬
07年， Sammi復出只能在樂壇收復失地，演唱會叫好叫座，可是兩套擔正的電影都仆直，難與當年收約 4千萬的《瘦身男女》相比， Sammi最近亦在週刊的專欄內呻，直認《高 II》成績唔好，但都感恩喎！
743萬
《大搜查之女》是 Sammi復出之作，可惜遇着《葉問》強攻，雖然首日收 118萬，但後繼無力，埋單僅收 743萬。
900萬
今年情人節上映的《高海拔之戀 II》，雖然有古天樂俊男美女配搭，但情節老土，埋單唔夠一千萬，最慘是國內票房得二千萬人仔，投資者蝕爆。
留言列表
