close
| 關詠荷古怪打扮 |
剛於佛山拍完新劇《情逆三世緣》外景嘅關詠荷，日前不用開工的她，被東姑撞到在銅鑼灣時代廣場嘅超巿買餸。
雖然佢和老公張家輝都搵到錢，但荷姐出名好慳家，平時都冇咩用名牌。當日佢一身casual打扮，身穿長外套加牛仔褲，為免被人認得，佢將頂帽拉得好低，搞到揀貨品時唔多方便，經過一輪格價，荷姐只買咗啲零食、牛奶和綠茶。精打細算嘅佢，仲自備環保袋購物，五毫子都慳埋，知慳識儉，果然係好賢妻。
包到冚嘅關詠荷，手拎住環保袋，成個街坊look！
烏低身揀糖果的她，睇足十分鐘。
頂帽太低，荷姐都忍不住要拉高才睇到貨品。
刻意低調嘅佢，途人當然認佢唔到。
全站熱搜
留言列表
