Beauty Hunt

最索鬼小姐　鍾浠文

27歲的上海妹鍾浠文（ Zelia），由最初被封為「翻版徐子淇」，到𠵱家「周柏豪緋聞女友」。 Zelia獨自來港發展 5年多，在模界站穩陣腳成為模特兒公司 Starz People主將，近排由模界升呢做 cafe老闆娘之餘，更嘗試做演員，夥拍師兄周柏豪合演微電影《雙．對》，實行三線發展等豐收。

Profile

姓名：鍾浠文（ Zelia）
身高： 177cm
體重： 49kg
Instagram： Zelia（粉絲人數 4萬 1千）
facebook： Zelia Zhong
Weibo：鍾浠文 zelia（粉絲人數 3萬 8千）

 


同周柏豪的緋聞傳足幾年，兩人連拍微電影《雙．對》都係做情侶。 Zelia笑稱連身邊朋友有時都會將緋聞當真！ 

個個女仔都想被人叫「女神」或「 BB」， Zelia卻唔多 like，情願被人叫做「鬼小姐」多過「女神」，連開 cafe都要叫「 Ghost Cafe」。 Zelia話：「『女神』呢個稱號係一種壓力，好似一個框規限住。本身我比較男仔頭，好鍾意神秘事物，例如 U.F.O同一啲超自然嘅嘢，叫我『鬼小姐』會自在好多。開 cafe係我一直夢想，原先鋪頭裝修同食品，我都想獨特啲、忠於自己喜歡嘅 style，點知出來反應唔多好！鋪頭 partner係做廣告，佢勸我做生意唔可以太個人化。𠵱家整得大眾化啲，好似我唔鍾意粉紅色嘅蛋糕，但出來又好受歡迎……等鋪頭上軌道後，希望開到分店，或者搞網上生意啦！」

精神分裂

首次做演員，孖住同門師兄周柏豪拍微電影， Zelia話興奮到拍通宵都唔覺攰。
「今次係套冇對白微電影，所以拍得好輕鬆，我廣東話唔好，好驚拍戲時顧得表情顧唔到對白，不過公司都開始安排多些電影工作畀我，𠵱家 casting緊幾部電影。我唔怕電影發展遲起步，因為 model會有年齡限制，但電影就會有不同年齡的角色，希望有一日可以做一啲精神分裂、黐線的角色，我覺得會好有突破。」連拍戲都要扮精神分裂，呢位「女鬼」真係夠另類！




Zelia（右） 15歲開始已在上海做 model， 5年多前來港發展。她坦言「翻版徐子淇」為她帶來不少工作機會，不少品牌因而找她行騷和出席活動。《忽然 1周》圖片

採訪、撰文：魏紫嫦
攝影：范仲良
髮型： Jacky Leung@IL COLPO
服裝： Katie Judith@I.T
地場： Ghost Cafe

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄