close
5月 6日有城大學生遭 4名黑衣保安圍住，雖然他們掛上疑似工作人員牌，但學生稱他們從未正式表明過身份。
U Spy
保 CY 神秘黑衣人圍城大生
上星期四（ 16日）學聯成員喺調景嶺明愛白英奇專業學校狙擊梁振英，點知示威女學生俾警察「熊抱」，仲疑似觸及胸部，搞到警方俾人鬧爆，形象再插水。
但有城大社運仔向 Spy報料，呢幾次「狙擊梁振英」行動中，唔只得保安、警察插手咁簡單，「月頭喺城大嘅狙擊行動，未開始已經有一班黑衣西裝友跟到實，之後仲包圍同幫手抬走我哋。佢哋冇着保安衫，仲要見都未見過，肯定唔係城大保安，又冇表明自己係乜嘢身份，心口有掛個頸牌嘅，不過大部分都塞咗落西裝度，根本睇唔到佢哋乜嘢身份，上星期喺明愛都見到佢哋！」
咁白色恐怖？ Spy梗係要搵人證實吓。城大學生會內務副會長梁加南就指：「我哋都只係靜坐咗五分鐘左右，唔明點解啲保安要咁嚴重抬走學生。至於啲黑衣西裝人，我哋都唔知係咩人，城大保安正常都會着制服。我哋都有向校方詢問過，但至今佢哋都未有回應！」班西裝友又抬又搬咁大權，唔會係西環友啩？
當日更有學生遭西裝友抬走，對於城大有不明人士出現清場，學生會內務副會長話校方仍未回應。《蘋果日報》圖片 
上星期社運少女何潔明遭警方從後箍胸，把清場學生當暴民。《蘋果日報》圖片
原裝保安
城大慣用保安只穿白色恤衫和西褲，跟該批抬走人的西裝友分別好大。
U Spy：
全站熱搜
留言列表
