close
| 拉姑掃潮衫賀Quintus |
謝霆鋒、張栢芝細仔Quintus周日（十二日）三歲生日撞正母親節，向來當啲孫係金笸籮嘅狄波拉（拉姑），上周五（十日）孖老公鬍鬚Kong去銅鑼灣利園嘅Bape Kids買禮物，認真有心！
一身花碌碌嘅拉姑，相當奪目。東姑見她在舖頭已狂掃十幾件BB衫，主要以螢光為主，又買毛公仔。離開時東姑問她咁揼本買嘢畀Quintus，拉姑話：「梗係都有買埋畀Lucas啦，生日會？細路仔唔使o架嘞，年年都有生日，仲有好多生日要過。」廿四孝嫲嫲嘅拉姑，絕對無厚此薄彼。
拉姑呢身螢光look，認真惹人注目。
拉姑專揀鮮色螢光tee畀兩粒寶貝乖孫，實行嫲孫裝示人。
見拉姑揀衫揀得興起，鬍鬚Kong企埋一邊傾電話。
其後，拉姑揀咗十幾件童裝。
全站熱搜
留言列表
