FACEweekly
30相送 Shine
'02以 18歲之齡出道的青春男孩組合 Shine，當年冧盡一眾 80後少男少女，經典作品如〈燕尾蝶〉、〈祖與占〉更成為我們的集體回憶。上年，在 Wyman個唱上，這隊於'07拆夥的組合再度重回歌唱舞台，贏盡掌聲後正式重組， 8月先於九展開騷， 12月再佔據夢想舞台，舉行首個紅館跨年演唱會《 Shine Passion Live》紀念出道十年，緊接再推出演唱會 DVD。唔講唔覺，天佑和又南今年 30歲，比起 Yes咭青澀年代多了一份成熟，但依然 keep住正面陽光。
首個紅館演唱會《 Shine Passion Live》粉絲勁好反應，尾場更要 encore三次先肯走，這些場面一定有收錄在 DVD吧？
兩次 encore後連樂隊都走了，換衫準備接收訪問，但監製嘉萍見粉絲仲未肯走，即刻叫番我哋上台再 encore清唱，這種珍貴時刻一定要記錄低！
另外，除夕倒數片段及蝦碌鏡頭當然唔少得，連新歌〈愛迪生〉的 MV都有收錄，我們仲寫了一些感謝說話給重要的人。
之前 4月歌迷會在大尾篤舉行 11周年 BBQ，是重組後首次粉絲聚會，有乜嘢玩先？
除了支持多年的忠實粉絲外，連新加入的粉絲都有來玩，最記得一個 15歲男粉絲，重組後的每次活動他都隻身捧場。我們由 12點玩到 6點，傾偈同玩鬥快打電話等遊戲，全程笑聲不斷，真心多謝他們的一直支持。
某些粉絲一出道支持至今，睇住他們由讀書到工作，連結婚我們都有去影相，同 Shine一齊不斷成長！
新歌〈愛迪生〉 MV由天佑揸機執導，又南出演，意念是甚麼，用咗甚麼器材拍攝？
我在 MV中有好多體力勞動，跑山、玩水彈又跳彈床為帶出試驗的堅持，本來仲有跳海一幕，但因為 10度而取消。
顧名思義，歌講實驗精神，全程都是以單反拍攝，就算當中㓤爆水彈的慢動作鏡頭都冇用專業的 Phantom機，全部後期上網搵 software整咋。
剛入行的紅館夢想剛達到， 30歲，除了兩個齊演陳果導演網絡小說電影《紅 van》外，未來有甚麼挑戰？
各自發展後，推出過連載小說「麻生故事系列」。由小說改編的微電影《子彈人》，亦將於下月在中國移動香港流動電視平台 UTV首播，我包辦監、導、編、演四職，後期製作如剪片、字幕都一腳踢，辛苦但學到好多。
之後的目標是在演戲上得到認同。從 2到 3字頭感覺要變成真正男人，想挑戰自己，希望有機會可演聾啞的角色，自己無時無劇觀察身邊朋友，或陌生人的人生百態，了解更多，演繹時更真實，我試過在車上看個男人鬧交足足看了個多小時。
02曾憑電影《香港有個荷里活》獲得台灣金馬獎及'03香港金像獎最佳新演員提名，又南直言當時仍未生性，愛玩飛車。
因偶像是 Woody Allen，所以天佑會以一個負責獨白的講故事人「麻生」帶出劇情，而好友葉山豪就做男主角。
撰文：劉永鋒
攝影：黎韋邦
化妝： Henry Tse
髮型： Louis Tse@P.O.P eight
留言列表
