close


冬天喺沙灘拍戲已經好凍，仲要孭住Baby來回跑，趙又廷拍完狂嗌辛苦。

Cafe開完一間又一間，廣告殺到去紅隧口，Angelababy唔只識做生意，接戲一樣無停手，最近佢一路幫佢同趙又廷孭飛嘅《第一次》做宣傳，一路同柯震東忙趕新戲《Together在一起》。


《第一次》 標榜催淚純愛電影，指定場景，點少得去沙灘纏綿吓呢？
睇落瘦蜢蜢，女神Baby照計個個宅男發夢都想孭。不過真係有幸孭女神嘅趙又廷就話係苦差：「要跑來跑去好幾次，又是在沙灘上跑，雖然Baby很瘦，還是很辛苦！」諗落又係嘅……不過趙又廷好似講漏咗重點喎，孭住跑雖然辛苦，不過同一個沙灘同一日，仲有接吻戲拍喎？NG七次咀足七次，又唔見你嗌辛苦？ ####


Baby喺新戲唔只唱主題曲，首主題曲仲係周杰倫親自度身訂做，犀利！


趙又廷喺《在》片飾演搖滾青年，對患有遺傳病嘅Angelababy愛到死去活來，所以呢套戲被喻為男版《情書》。


Angelababy開設嘅Baby Cafe，上星期喺尖沙咀開第3間分店，店鋪有5千呎大，Baby仲特別介紹佢手上嘅「海綿蛋糕」。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄