close


上週六，Ella着上台灣著名婚紗店蘇菲亞婚紗，同老公賴斯翔步入婚禮會場，Ella罕有地性感，33C迫爆咪咪搶晒鏡。

台灣女子天團S.H.E成員輪住嫁，上年Selina先搵到好歸宿，終於輪到30歲Ella（陳嘉樺）同35歲馬來西亞籍男友賴斯翔（馬來糕）拉埋天窗。


Ella同馬來糕識咗5年，拍拖1年，上週六喺台北寒舍艾美酒店搞婚宴，FBI亦專程飛去恭賀一對新人。當日佢哋筵開50席，當Ella被問到心情時，即忍唔住喊：「好開心！」喊完先至識講笑話忙完婚禮後冇力洞房。不過FBI發現平時男仔頭嘅Ella，結婚當日變得好lady，最surprise係佢着件low cut結婚晚裝出場時，竟露出迫爆33C咪咪，FBI都嚇咗一跳，而且Ella輪廓精緻晒，闊面更變埋「錐子臉」，唔怪得傳佢個樣「執」過晒啦！ ####


12錐臉上年Ella仲係闊面，而且勁濃妝，但出嫁當日成塊面sharp晒，化妝亦冇咁濃，靚咗。


'11大塊田


啜到嘴軟 Ella同老公一向都唔怕肉麻，當日2人應親友要求，當眾咀嘴6次，錫到嘴軟。台灣《蘋果日報》圖片


Ella出嫁，S.H.E好姊妹Selina（左）同Hebe（右）全程做足左右護法傍住Ella。Selina右手仍戴住壓力套，距離完全康復仍需一段時間。


每位到場賓客都會收到一對公公婆婆陶瓷公仔做回禮，Ella死黨許茹芸就攬住對公仔話好sweet。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄