close


好兄弟開騷，林峯唔只撐足2晚做壓軸嘉賓，仲唱足10幾分鐘又唱又跳。林峯跳到出晒汗後，仲熱情撲向鄧智偉。面對一個「濕」人，鄧智偉只可以欲拒還迎地一齊「Let's get wet」。

TVB音樂總監鄧智偉個「平行時空」演唱會，開騷前就俾人話學足黄偉文作品展，不過佢就一於少理喺九展開足兩場演唱會，林峯、黄宗澤、吳卓羲、鍾嘉欣、古巨基、關菊英等仗義出手幫忙，搞到似歌星賀台慶多啲，不過2場的入座率都有9成，算唔錯。


身為鄧智偉愛將嘅林峯，為好兄弟做足兩場壓軸嘉賓，第一晚見佢連唱三首快歌，着住窄西裝又唱又跳，緊接再嚟兩首慢歌，完全冇喘氣咁犀利，點知第二日FBI再捧場，見林峯一嚟入錯beat，哦，原來係「咪嘴」！唔怪之得啦！


驟眼睇仲以為黄耀明（小圖）都有份做嘉賓，睇真啲先認到係黄宗澤，化晒smoky eyes、又揸大聲公唱〈幸而〉，杏兒見到都未必認得呀！ ####

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄