close

官恩娜（Ella）哥哥官仲銘疑似喺內地食全狗宴，搞到全城愛狗人士瘋狂圍插，連Ella細妹亦被踢爆食兔肉，三兄妹一齊遭殃。有人食狗肉、有人就當狗親生仔咁錫。除咗起居飲食照顧周到，又買靚衫幫狗仔扮靚靚。叫佢哋食狗肉，同割佢忽肉冇分別！

黃智雯為狗搬竇
多得「關二嫂」帶挈，黃智雯升呢博上一線，劇接劇嘅佢雖然忙拍劇又忙出騷賺錢，但黃智雯幾忙都會放狗，緊張過陪男友。只愛白色中型狗，黃智雯唔只定期幫兩隻狗剪毛，仲會帶出街做spa，好捨得使錢！同補習天后家姐搬咗去新蒲崗豪宅譽．港灣住，嗰度寫到明准養狗，比起以前住唐樓，嵋家啲狗狗應該開心好多

何超蓮松鼠影帝
屋企有花園有天台，賭王千金想養幾多寵物都冇問題，不過超蓮冇花心，咁大間屋淨係養咗一隻松鼠狗小吉。貴為何家愛犬，小吉食好住好，唔知係咪生活無憂，狗都零舍精靈！超蓮話小吉好識做戲，如果俾人鬧，會即刻扮死狗、又會伸脷扮cute。咁好戲，不如同主人一齊入行啦！

廖碧兒貴婦執媽
先後被陳豪同林忠豪狠撇，剩女廖碧兒好在屋企仲有7隻狗仔陪住，隨手攬一隻都唔覺寂寞。清一色齋養貴婦狗，碧兒原本只養一隻狗仔Mac，後來幫佢娶老婆，成功生咗3隻B，之後B又生B，現時四代同堂，連碧兒在內一家8口住埋一齊。除咗照顧7隻狗咁偉大，碧兒原來亦曾親手幫班孫仔接生，唔怪得咁有感情啦！

陳柏宇女友與狗
近期沉迷玩電單車嘅陳柏宇，之前公開同江若琳師妹符曉微拍拖，高調晒恩愛，原來亦係愛心男。屋企有兩隻狗，蜜運中嘅Jason每日會抽時間陪愛犬散步，早前同4歲大老虎狗女Bessie仲玩到損手，兩父女齊齊動L！

潮養刺蝟
本身有養狗嘅林一峰同TVB前主播、家做緊愛護動物協會中國外展總監嘅柳俊江，近年分別領養刺蝟，一峰現時養緊6隻刺蝟，又唔怕核突親自餵麥皮蟲畀佢哋食，真係少啲心機都唔得！ ####

 


白威犬Bon Bon（左）同比熊犬Bunny（右）都係白色，唔通黄智雯貪佢夠乾淨？


黄智雯將窗台靚景位留畀Bon Bon，可惜佢發脾氣擰歪面，勁有性格！


連狗袋都用Gucci，好捨得喎！


超蓮成日幫小吉換造型，睇佢啲毛剪到圓碌碌，又難怪何家千金都咁錫佢！


小吉俾三太鬧，即刻扮cute補鑊，醒目！


三隻狗仔識陪主人睇電視咁精靈，Bernice唔怕悶啦！


Bernice 7隻狗個名大部分都同咖啡有關，除咗呢隻Cappuccino，仲有Kahlua、Caramel、Misto同Mac，唔通陳豪有份改？


Bernice成日帶埋狗仔開工，連潮媽徐濠縈都讚啲狗狗得意。


原來只得一隻老虎狗嘅Jason，年頭再養多隻鬆獅狗，搞到隻老虎狗勁呷醋。


老虎狗本性溫馴，不過啲爪同牙勁尖，玩得太癲俾佢整傷都唔奇！


本身有隻狗同刺蝟嘅一峰，又想領養多隻狗仔，愛心爆棚！


柳俊江同老婆都愛動物，經常將兩隻寶貝嘅相放上微博。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄