close


少女時代係SM Entertainment最賺錢女子組合，所以《I AM》自傳式紀錄片裏面，少時曝光鏡頭佔大部分。

有韓國夢工場之稱的經理人公司SM Entertainment曾捧紅唔少巨星。樂壇稱霸，最近仲踩過界，出品電影撈多瓣掘金。最新搞作係製作自傳式紀錄片《I AM：SM TOWN》，套戲唔只紀錄SM旗下七大單位巨星，如東方神起、Super Junior甚至少女時代等開騷片段，至精采係剪輯埋一眾偶像日常生活、後台練習，以及參加選拔賽的絕密片段一次過晒冷。

 
《I AM：SM TOWN》上映日期：5月18日 由SM Entertainment製作的自傳式紀錄片《I AM：SM TOWN》，集齊現時於韓國SM旗下紅星，好似Super Junior、少女時代、東方神起、SHINee、f（x）、BoA、安七鉉等演員，七強卡士超勁。此片將於5月10日先於韓國上畫，而香港則遲一個禮拜於5月18日公映。

Sunny娘爆
片中有不少巨星做練習生時嘅片段曝光。好似少時成員Sunny多年前面試時，仲係留長頭髮，衣着又樸素，好有表姐feel。

允兒冇整容
少時最受歡迎成員允兒，細細個已加入少時做練習生，當時瘦猛猛嘅允兒，同家個樣差唔多，證明佢真係冇整容。

孝淵敢言
最近出席《I AM》電影記招時，孝淵直言因花太多時間於練習上，曾經後悔入行。

喊住互勉
SM藝人出名捱得，戲中就有少時成員Jessica（左二）同泰妍（右）開完騷後，感動到喊住互勉嘅絕密片段播出，相信fans睇到都喊埋一份。

SHINee機艙玩嘢

絕密片曝光
《I AM》一片將紀錄一眾SM超級偶像於2011年在美國紐約麥迪遜廣場花園的開騷片段，最重要係SM會將一眾巨星鏡頭後的絕密片段公開。除後台練習，以及參加選拔賽情景同辛酸經歷擺埋上枱，實行要班fans睇到尖叫完又再喊為止。

孝淵爆辛酸
SM Entertainment出名訓練嚴格，而且苛刻，唔少旗下藝人好似以前SJ成員韓庚亦曾頂唔順提出解約。上週一電影《I AM》一片於韓國開記招，少時跳舞至勁成員孝淵都直言：「好後悔花太多時間喺練習上，每日往返住所同公司都花4粒鐘，曾經後悔入行。」而另一SM藝人安七鉉亦自爆：「因要保持最佳狀態，唔可以食太多，試過見隊友食多咗分量即被鬧，感覺好辛苦。」識配合公司爆辛酸谷宣傳，抵公司咁錫佢哋。

少時fans包場
《I AM：SM TOWN》將於5月18日於香港上畫，門券已於上月28日公開發售，套戲雲集SM最紅藝人演出，必引起大批fans搶飛，當中以少女時代粉絲反應最熱烈，最近更於網上吹雞，集合7個少時香港fans團，超過400人去包場為偶像打氣，對少時超忠心。 ####

 


整蠱兄弟
SJ同師弟組合SHINee經常孖住一齊出埠演唱，搭飛機時，SJ銀赫瞓到隻豬咁，隊友東海就夾埋SHINee嘅?豪一齊整蠱佢，好鬼頑皮。


喊晒口
5人男團SHINee，一向形象陽光又健康，但背後曾傳出一直苦忍公司嘅地獄式訓練。片中SHINee主音鐘鉉一講到一直受歌迷愛戴時，即忍唔住喺鏡頭前喊到收唔到聲，真情流露。


SJ最玩得 台上表演落足力冇甩轆，但喺後台，一班成員就經常「玩互打」，雖然好無聊，但可以當減壓。


Super Junior係SM嘅招財貓，片中當然唔少得剪輯SJ喺台上chok樣型仔片段吸fans。


香港少時fans，為捧偶像場，最近於網上發起包場行動。


每次演出前，少時成員都好緊張同工作人員對稿，咁認真，抵佢fans咁錫佢哋。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄