close
7． 1當日， Peony去大球場做採訪，佢攞住大會送畀市民嘅扇，邊撥邊做直播，唔少網友大讚夠生動。
U SPY
索模變實習記者妹
暑假開始，又係一班大學生開始實習嘅時候。 Spy最近喺 now TV新聞台發現一位好省鏡嘅實習女記者何頌恩 Peony，網友大讚 Peony靚女，仲狂印圖介紹，極速變主播界新紅人。
Spy八到 Peony係珠海校花，佢仲係 model，影過唔少靚相，不過就唔會接泳衣同性感 job，佢個 facebook仲見到同何韻詩、林宥嘉嘅後台合照，原來佢男友係演唱會 freelance攝影師，所以成日有機會同偶像合照。
女神唔係得個殼，佢做起實習都好認真。好似 7． 1當日 Peony晨早 9點已到大球場採訪慶祝回歸活動，由天光做到天黑， Peony都毫無怨言，佢同 Spy講：「我經驗淺，得自己一個出外影難免緊張，幸好有攝影哥哥從旁指導，佢哋都教咗我不少做扒（搵好背景揸咪報新聞）嘅技巧。」 Peony態度誠懇、捱得，算成功踏出做記者嘅第一步啦！
謝絕性感
Peony謝絕影性感相，平時只會影服裝 model相，最 sexy都係呢張，不過網友一樣 buy，仲叫佢做恩恩 bb，超冧。
攝影師男友
有攝影師男友（右）帶路， Peony不時有機會入演唱會後台，與偶像影合照！
至愛何詩
除咗林宥嘉， Peony仲好鍾意何韻詩， Peony話欣賞阿詩有才華喎！
U SPY：
全站熱搜
留言列表
