糖妹地獄式瘦身，減肥為新書拍照，見她敢揭起長裙露出大腿就知冇白費心機。
真係睇書
書展唔賣肉 糖妹出賣情史鬥 JJ
一連 7日的書展於本月 18日開鑼，除有寫真女模繼續混戰（呢篇之後即晒冷「 35女神寫真」）之外，唔少圈中藝人唔使賣肉，正正經經出新書一樣有市場！
女神糖妹繼去年孖住糖兄出旅遊書後，今年單拖推出相集兼散文集《 KANDY HOLIC》，今次更出賣情史，大爆她與男友 Dominic的感情生活。糖妹為出書地獄式瘦身減大髀肉影靚相，力鬥另一位宅男女神 JJ賈曉晨，出過寫真的 JJ這次親身示範瘦身同護膚大法，實行同糖妹「鬥瘦」咁話。
去年出過《糖兄妹台北大作戰》，今年糖妹飛甩糖兄，單拖出書《 KANDY HOLIC》，據知由於是相集兼散文集，糖妹唔想以粗腿示人，於是秘密聘請私人健身教練幫她操 fit，有時更凌晨時分去做 gym。
書展期間在日閱堂攤位買糖妹新書，會送糖妹 folder一個，數量有限，粉絲咪走寶喇。
糖妹在書中剖白愛情感受，當中談到被背叛、感情勞役，曲線投訴男友 Dominic。
去年糖兄妹本《糖兄妹台北大作戰》反應唔錯，今年糖兄專心搞音樂，糖妹自己出書，本月 21日下午 6點更會在書展舉行簽名會。《蘋果日報》圖片
瘦身影封面
糖妹與 Bro5成員 Dominic拍拖一年多，曾多次被拍到糖黐豆拍拖，不過 2人例牌避談戀情。
地獄式訓練成功瘦身，原本粗壯大腿都細了個碼。糖妹說：「主要係減對腳啦、下巴啦，做好多帶氧運動，跑步做機呀咁啦，最想係大髀瘦 啲同整個人肌肉 firm啲。用 咗兩個月時間，由 45kg減到 42kg，家叫有番 啲輪廓囉。」雖然男友 Dominic一身結實肌肉，但糖妹仍另聘健身教練：「私人 嘢唔講咁多啦。」
JJ中醫瘦身
JJ唔出寫真，憑住在濟南大學讀過中藥，以及醫學團隊幫忙推出瘦身美容書，新書依然有性感靚相，益吓宅男，不過書名未定。
JJ賈曉晨事隔 4年再戰書展，今次已不再賣肉出寫真，竟然以中醫角度出書，教你極速美容瘦身兼護膚秘法。
「好多 fans喺微博問我美容呀、減肥心得，同問我點樣 keep到皮膚靚，咁不如一次過寫本書分享畀大家，做 咗呢行咁多年點都有 啲辦法。」咪以為 JJ恃靚賣靚，實則她曾在濟南大學讀中藥，所以書中她會以中醫角度傳授美容心得：「只要 7至 10日時間就會達到減肥 嘅效果，亦有講用簡單 嘅方法就可以保養皮膚 㗎！」不過正忙於拍攝《法網狙擊》同《戀愛季節》， JJ話連書名同售價都未定，要快啲諗喎！
群星搶攻書展
今年書展同樣有一班藝人明星以及電台 DJ出書支持，其中名導葉念琛會大爆明星私生活，夠八卦要睇喎！
葉念琛爆大鑊 《一個鐘．情》$88
拍過很多賣座愛情電影的導演葉念琛，分別跟 10位女性的對話寫成書，合作過的鄧麗欣、佘詩曼、周秀娜、劉心悠，以及卓韻芝、小儀、陳淑莊等，大爆感情事。
葉導演話內容好大膽：「我限住每人只傾一個鐘頭，大講佢 哋 嘅私生活，所以傾得好直接，係估唔到佢 哋會咁樣答，每位都好坦白，例如周秀娜好少講自己係內地人嘅身份，原來佢當時好唔想落嚟香港，仲有好多從來冇講過 嘅都會講出 嚟。」聽落幾吸引！
王貽興繼續多產 《原來戀愛 6》$68
王貽興今年依然多產，粉絲又要破財。
《空轉人生 3》 $68
《節日的憂鬱》 $68
同少爺占合寫 《忠孝公路》 $98
同周潔談兩性關係 《甜品書》 $68
傅穎深情自白 《在摩天輪上》$68
電台代表
留言列表
