close
少時第一次去澳門就出事，好彩佢哋見慣大場面夠淡定。當晚壓軸現身嘅佢哋唱咗 5首歌，唔夠喉囉！
FBI File
少時清唱執生
上星期香港班 K-Pop迷真係好有福氣，事關除 咗有 2PM訪港划龍舟，萬人迷女天團少女時代 喺上星期一亦去 咗澳門出席《 K-Pop Nation in Macau》演唱會。雖然呢個騷門票賣唔晒，但少時都好落力表演，點知少時唱到中途竟然甩轆。
話說佢 哋唱到〈 Hoot〉 嗰陣，到允兒唱 solo一段竟然冇 咗音樂，之後去到徐賢唱 solo，音樂又再一次停 咗。好彩兩位成員見慣大場面，都好淡定，即刻執生繼續清唱。唱完歌後 Tiffany仲兜番，用英文話：「我 哋第一次來澳門，係唔係想我 哋唱耐 啲？」少時雖然失手，但冇音樂 嗰陣， FBI好清楚聽到佢 哋唱歌把聲，證明佢 哋真係唱 live，冇咪嘴。
Yuri肥爆
每天都會一早起身做運動嘅 Yuri，呢晚 CIA就發現佢肥咗好多，腿粗籮大，唔通呢排懶做運動？
Tiffany黑面
見到在場坐唔滿， Tiffany表演嗰陣有啲面黑黑。
另一演出單位 SHINEE 5缺 1，成員?豪因為有工作在身冇去澳門，佢哋仲只係唱 3首歌，比其他演出單位，好似少時同 B.A.P咁少 2首，令唔少粉絲大呻「搵笨」。
Eason影腳
CIA估唔到歌神陳奕迅都會去睇少時，仲喺台下係咁影相，有 fans影到 Eason將相放上 fb，大批粉絲即刻議論紛紛。
網上圖片
全站熱搜
留言列表
