close


私伙出街（ 6歲 Suri）
靚佬湯同 Katie Holmes出晒名錫到寶貝女 Suri燶，每次出街 Suri例牌要求帶幾個公仔，甚至帶埋張被，不過媽咪 Katie都無托手踭，離晒譜！ Getty Image圖片

西面

老豆寵壞　揭靚佬湯愛女公主病

2012年07月11日 ~~ 第268期 Face

剛過 50歲生日嘅靚佬湯今年收到「大禮物」，就係其 33歲少妻 Katie Holmes單方面提出離婚，搞到正喺冰島趕戲嘅靚佬湯都嚇一跳。
出名錫女錫到燶嘅靚佬湯，家陣正部署同前妻爭愛女 Suri撫養權。由於靚佬湯愛女如命，寵到 𠵱家只得 6歲嘅 Suri愈嚟愈刁蠻任性， 𠵱家父母仲離埋婚， Suri唔公主病發就假。

上週二（ 3日）正正係靚佬湯 50歲生日，當時身在冰島拍攝新片《 Oblivion》的靚佬湯，原打算請老婆 Katie Holmes同愛女 Suri去冰島合家歡慶祝生日，點知生日前 Katie突然單方面提出離婚，搞到「被離婚」嘅靚佬湯於生日當日要搭飛機趕返美國，誓要同 Katie爭愛女 Suri撫養權。


上週二 50歲生日嘅靚佬湯，據知佢獨自返回洛杉磯過孤獨生日，不過之後佢都飛去紐約為新戲《 Oblivion》開工，其間仲笑得出，好識做戲。網上圖片


靚佬湯生日當日， Katie帶埋個女出去 shopping，其間 Suri仲鬼咁開心食雪糕，好似為甩難慶祝咁款。網上圖片

目中無人


靚佬湯離婚分家產已經夠頭痕，最煩嘅仲係佢要同前妻爭刁蠻女 Suri嘅撫養權，而將於單親環境成長的 Suri，會唔會愈來愈刁蠻仲更加惹人關注。事關自 Suri出世後，靚佬湯因經常要出外拍戲無時間陪女，為作補償一直當 Suri公主咁寵，卒之搞到 Suri唔只待人態度無大無細，已 6歲大的 Suri，麻煩行為更層出不窮，每次外出，要將家中的玩具、公仔、糖果同毛氈都帶埋出街，連阿媽都冇佢符。 Suri咁細個已經咁刁蠻，真係驚佢大個咗變野蠻。

扭抱


網上圖片

Suri雖然已經 6歲，仲經常扭爹哋抱，難得靚佬湯甘心做廿四孝老豆，吹咩！

唔戒奶嘴


網上圖片

Suri咁大個女，依然唔肯戒啜奶嘴，真係醜死怪！

超姿整


網上圖片

靚佬湯勁有米，所以 Suri想着乜都得，金色高踭鞋襯金色小手袋，仲一路行一路塗唇膏，成個老人精咁款。

撰文：何家文

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄