close
記者催埋位合照，妹（右）好合作企定定，反而李詩韻要煎 pang請先肯行過去，好有一姐風範。
FBI File
李詩韻煎 pang扮生疏
陳豪同陳茵媺打風打唔甩，正當一班小花以為另一筍男陳展鵬仲放緊盤之際，原來已經俾李詩韻內部認購 咗。
佢兩個套定情作《情越海岸線》上週搞煞科宴，前排有傳李詩韻同妹李綺雯兩女搶一男，爭住向煎 pang獻殷勤，當日成班記者梗係要三個主角影番張合照，點知李詩韻鬼咁尷尬，三催四請先肯行埋去，反而妹大方得多，同煎 pang搭晒膊頭都冇 say no。刻意保持距離，偏偏李詩韻祝酒時又鬼咁主動同煎 pang乾杯，究竟係交戲搶鏡定姣婆守唔到寡呢？
有古怪
同妹搭晒膊頭（右），但對住李詩韻就手擺後面好正經，咁究竟邊個先係有啲嘢，好明顯啦！
擺明冇嘢 
祝酒時企正 TVB主席梁乃鵬側邊，李詩韻姣婆守唔到寡，即刻放電撩煎 pang，小心煎 pang隱形正印姚佳雯（小圖）呷醋呀！
撰文、攝影： FBI
全站熱搜
留言列表
