Eason唱〈孤獨患者〉時扮房祖名唱腔， Fiona更出手把他的眼睛向後拉扮祖名，睇 嚟 Fiona都係比較喜歡細眼男士，之後 2人最後合唱〈陀飛輪〉，可惜 2個都冇準備下甩音。
捱義氣
連趕 3場 Eason幫房祖名箍 Fiona
等足 8年，薛凱琪 Fiona終於踩紅館開個唱，話晒處女騷，唱片公司車輪式派歌造勢谷飛， 30歲 Fiona唔得！
公司搏到盡，難得係前度男友房祖名都出力幫拖，據知今次房祖名更碌盡人情咭，尾場在後台落足嘴頭氹連趕 3場，根本冇諗過上台開口唱歌的 Eason，壓軸出場撐 Fiona，令到原本已經聲沙沙的 Eason演出失準；祖名仲擺埋老豆成龍上 枱， Fiona真係要好好報答前度。
Fiona開騷前非常口密，除 咗 Sammi，其他嘉賓名單打死唔講，至於前度房祖名，則最後一刻才落實。 Fiona說︰「其實今日（週日）佢（房）助手結婚，請佢 嗰陣佢仲講笑，話可以開第 2次先 嚟，但結婚唔通講話第 2次先 嚟咩，結果佢助手竟然放佢 嚟。」
拖祖名
尾場演唱會， 2位緋聞男友房祖名及方大同齊齊上台做嘉賓，祖名說：「尋晚有 3位嘉賓，冇理由今晚得 2個，我喺後台見到佢咪拉佢上嚟……成龍！」 Fiona聽到即刻 O嘴。
週六晚頭場有 Sammi做嘉賓，原來係唱片公司悉心安排，帶領氣氛之餘，又可以有時間讓 Fiona熱身，演唱會整個 rundown算有新意。
磨大同
對住方大同， Fiona化身性感小野貓，扭腰又趷籮，不過方大同反應不大，睇 嚟 Eason講得 啱，方大同只係對音樂有興趣。
方大同撐到去慶功宴，好自然就坐 喺薛伯母隔籬，感情盡在不言中。
氹神上台
開騷當日，祖名由北京飛返港，原本尾場嘉賓只得佢同方大同，但話晒頭場有 Sammi助陣，尾場都要有番個咁上下分量嘅嘉賓，祖名 喺後台見到 Eason，即刻自動請纓叫 Eason喺 encore位上台，周六 喺深圳開完 show，翌日又趕去盧凱彤音樂會，連跑 3場， Eason疲態盡現， Fiona仲要臨場揀首超高音〈陀飛輪〉， 2個唔夾 key輪住甩音。
最抵死係祖名未介紹 Eason出場前，竟講笑話請 咗成龍 嚟，全場即時起哄，嚇到 Fiona鼻哥窿都冇肉。祖名咁幫手， Fiona亦說︰「我哋 嘅感情真係唔使同人交代，我覺得用緋聞男友 嚟形容佢哋（祖名、方大同）真係貶低 咗佢哋，佢哋係上天畀我 嘅禮物。」講到咁鬼冧，究竟你揀邊個先？仲有個黑人酒店高層未計喎！
身穿超過 6吋鬆糕鞋的 Fiona連場勁歌熱舞，唱到快歌〈 All You Need Is Me〉又不時露出纖腰和打底褲，迷死台下一班宅男。
Fiona唱到〈小黑與我〉時，因歌詞提及父母分開和抑鬱症，講中死穴， Fiona唱到中途一度哽咽落淚。
處女個唱大獲好評， Fiona有幸搵到幫開 Sammi、千嬅的設計師 Tomas Chan造衫。
Fiona另一位緋聞黑人男友 Reggie Martin任影唔嬲，仲大騷 Fiona的演唱會 tee，非常落力宣傳。
Wyman好心做壞事
黃偉文錫 Fiona錫到出晒面，撐足 2場，雖然歌衫由 Tomas Chan設計，不過 Fiona死都要表揚一下 Wyman， Fiona說︰「雖然成個 show嘅 production都冇 Wyman，但呢件公仔衫係佢 喺日本專登買畀我，我真係唔捨得除。」件公仔衫的確幾得意，但熟口熟面，同日本水着女星若槻千夏，前排幫雜誌影 嘅封面套潮牌 WC衫有 9成似，不過人哋就成身日本 WC公仔， Fiona呢件就動物園上身，係冇長頸鹿囉！
Wymam專登買件公仔衫畀佢， Fiona識做地 喺演唱會搵位着，仲猛咁賣口乖。
留言列表
