close
傳出「祖師戀」後， Joey頻頻出席活動冇龜縮，上星期更親自為佢個蠟像揭幕，其實個蠟像同 Joey有 8成似，不如送個畀何詩做紀念吖。
FBI File
祖兒一條心冇斬纜
「祖師戀」打得火熱，前度何韻詩連日以受害者姿態扮慘抽水，祖兒老闆楊受成又唔畀面愛將新歡，寸爆師兄劉浩龍好笨，又話佢唔知有咩目的，擺明唔睇好。
腹背受敵，有傳祖兒受唔住壓力忍痛斬纜，之不過 FBI聽聞祖兒冧爆師兄，無論外人點睇，佢對師兄一條心。上個禮拜祖兒為音樂會做宣傳時，蜜運嘅佢鬼咁風騷，做訪問時動作多多，一時嘟嘴扮 cute、一時 O嘴扮驚訝，講到新戀情時仲甜笑：「多謝大家，希望有朝一日得到你哋嘅祝福。」師兄究竟有乜本事？ FBI好想學吓！
個唇同條裙襯晒色嘅 Joey，同記者傾偈時肉緊到「 O嘴」兼老鼠仔都谷起晒，好鬼 high。
「祖師戀」已成事實，何詩上週五（ 6日）亦收起慘樣，同蕭敬騰一齊開騷，祖兒都識做送花牌（左下圖），再見亦是朋友。
撰文、攝影： FBI
全站熱搜
留言列表
