close


Gucci Première晚裝莎瑪呢件晚裝係Gucci皇牌系列，手工細緻造工繁複，不過點都唔夠佢雙峰漏到瀉晒咁犀利。
來路貨 膚淺，係我的名字。一年一度康城影展，睇好戲之餘，我更着緊睇靚衫靚人仲有靚胸。今屆康城，星光未算熠熠，勝在個個肯搏肯露，理你心戰拉布戰咩戰都好，康城呢場胸戰，曾「郁」成都阻唔到。不如幫女星手剪布罷啦！

莎瑪希爾　胸壓康城
康城常客鞏俐今年無影，令到莎瑪希爾獨胸天下。其實莎瑪出名好身材，咪睇佢人仔細細，查實發育得非常好，尤其5年前生完女之後，應大嘅更加大。早前，莎瑪老公Francois-Henri Pinault官非纏身。原來莎瑪老公早年喺唔知情之下，搞大咗過氣model女友個肚。直至舊年，model爆大鑊，仲向Francois-Henri追討每月4萬6千元美金嘅贍養費，搞到莎瑪都埋一份。好在事件於今年5月初庭外和解，大家各取所需，大團圓結局。老公無官司一身輕，作為老婆嘅莎瑪，自然露得份外開心兼豪氣。

戴安古嘉　鬼影變幻球
今屆評審之一嘅德國女星戴安古嘉（Diane Kruger），坦白講， 除咗早年嘅《驚天奪寶》之外， 根本冇乜代表作。憑咩做評審？Well，你唔好理， 有功課交就得嘞。
今次嘅功課， 叫「鬼影變幻球」。 影展開幕當晚，戴安本來都平平無奇，點知士別一晚出席派對時，佢竟谷胸谷到上心口，成功「胸」嚇全場。冇辦法啦，先天不足惟有裝假狗。事實再次證明，世上無難事，羅馬亦可以一日建成。

伊娃朗歌妮亞　着錯衫露錯胸
「靚太」伊娃朗歌妮亞（Eva Longoria）出名識着衫，係幾位「靚太」之中最有taste嘅。奈何， 總有失手時。早前L’Oreal一個晚宴，伊娃精挑細選一襲新款透視裝，兩胸之間若隱若現。假定係莎瑪希爾的話，效果一定澎湃，可惜吖，伊娃得嗰B級胸，睇頭略為欠奉，反而佢出席記招嗰套仲好，大V微波蕩漾，消暑簡直一流。

另類性感百萬女　玉女大解放
憑《一百萬零一夜》走紅嘅菲達萍圖（Freida Pinto）向來走清純路線，sell開氣質。難得一個康城晚宴，玉女deep V大解放，大大個胸口任你睇。效果？OK啦，衰在有少少高低波，比起其他女星，雖未至於搶鏡，不過比起佢一池死水嘅事業，絕對精彩有餘。

史密妻　妖氣沖天
荷里活模範夫婦韋史密夫（Will Smith）、珍達娉琦史密夫（Jada Pinkett Smith），早前鬧婚變，鬧鬧下，冇咗回事。夫妻嗌交，牀頭打交牀尾和， 家下老公四出宣傳《黑超特警組3》，佢就為有份配音嘅《荒失失奇兵3》造勢。上周史密妻執靚靚出席一個時裝晚宴， 佢特登揀咗件V到落肚臍嘅晚裝，仲蠟起頭髮，一臉英氣。只係線條過分硬朗，胸口成個男人咁，加埋佢咁中性嘅容貌。噢，頓時感覺似去咗泰國。 ####

 


莎瑪希爾老公係Gucci老闆，所以老婆着嘅戰衣全部新簇簇未見過街，胸霸仲威霸康城。


Giabattista Valli Couture 晚裝
側邊睇，戴安波平如鏡，好在裙襬夠飄逸，加番少少分。


Givenchy涼鞋
Calvin Klein 2012秋季背心裙


第二晚，戴安谷胸上陣，極度誇張。演員男友Jashua Jackson似乎未見過女友咁大陣仗， 不停喪，場面搞笑。


Emilio Pucci 2012秋季透視裙
Brian Atwood Maniac高踭鞋


Elie Saab 2012
春季Jumpsuit
伊娃黑色晚裝（左圖）唔係唔好， 不過以胸論胸，梗係藍色呢件靚啲，有身材睇之餘仲好清爽。


Paco Rabanne 2012秋季短裙 Ferragamo Clutch 手袋


Paco Rabanne 2012春季晚裝

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄