close


我哋有叻哥做「名牌殺手」，冰冰都唔弱！將Celine最新春夏休閒裝着去康城留倩影。你話似男裝睡衣？強國「啡唇」呀！
今屆康城影展，強國顯露經濟實力！范冰冰、楊冪同一眾內地肉感女星明明無電影參展，卻離奇出現喺紅地氈。外國傳媒連你哋個名（甚至國籍）都未搞得清，一班祖國嬌娃依然感覺良好、蟻躝咁行，「請」先肯走！有人話，佢哋騎劫咗紅地氈喎。錯嘞，計媽咪姐話，佢哋係有計劃去突擊紅地氈至真！展現強國霸氣，測試老外工作人員耐力。

范冰冰 時裝狙擊手
繼「龍袍加身」、「仙鶴神針」等技驚四座嘅中國風戰衣後，國內傳媒捧為「國際范」嘅范冰冰，又點會令大家失望先？今年加料炮製——軟瓷裙喎！
成個花樽着上身，都算嘞！但呢個頭，就令主持人誤認佢為日本人，而有外國傳媒驚見佢識得將中、日美學crossover，fashion成咁，仲以為佢係model仔㖭。哎呀，陰功豬咯！人哋堂堂「國際大明星」，咁都認唔到？下次唔好嘞！

李冰冰 和平特使
相比靚到你驚嘅范冰冰，死敵李冰冰明顯低調得多。着deep V，但無刻意製造「導彈」，感覺和諧。媽咪姐係唔明點解美聯社會將佢認錯係范冰冰啫？大家唔好誤會呀，中國女性唔係個個都咁重口味嘅。

楊冪 走光先鋒
喺《春嬌與志明》做小三嘅楊冪，將會同劉德華、范冰冰齊齊拍《鐵甲奇俠3》，進軍荷里活。不過依家呢，佢喺國際上仲係no body。So what？楊小姐有強國精神，波行先，條裙有咁低得咁低。走光咩？No problem，係咁意抽吓佢囉。俾人趕咩？走快兩秒囉。佢知㗎，你哋妒忌。 ####

 


俾人彈個造型唔掂！「國際范」即時喺微博post咗「御用」國內設計師卜柯文嘅造型解說。嘩！魏晉南北朝髮型都俾你諗到？點夠你鍊。


面係人哋俾，架係自己丟。呢句真係好啱！好似李冰冰咁，高高貴貴咁行紅地氈，得閒喺康城靚住食雪糕，成件事都好good。強國靠晒你嘞！


《蘋果日報》圖片


唔好意思呀，楊小姐。你個胸咁豐盛，媽咪姐都要打格㖭。哎喲，但你個胸係咪太大呀？抽極都走光嘅。


楊冪同劉愷威打得火熱，齊齊行紅地氈，仲齊齊喺康城扮cute㖭。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄